അരിക്കുളം: ലോക പാലിയേറ്റീവ് കെയർ ദിനാചരണത്തിന്റെ ഭാഗമായി കിപ് മേപ്പയ്യൂർ ഏരിയാ കമ്മറ്റിയുടേയും അരിക്കുളം പ്രതീക്ഷ പാലിയേറ്റീവ് കെയറിന്റെയും സംയുക്താഭിമുഖ്യത്തിൽ സാന്ത്വന സന്ദേശ റാലിയും സന്ദേശ സദസ്സും സംഘടിപ്പിച്ചു. സന്ദേശ റാലി മേപ്പയ്യൂർ സബ് ഇൻസ്പെക്ടർ വിനീത് വിജയൻ കാളിയത്ത് മുക്കിൽ വെച്ച് ഫ്ലാഗ് ഓഫ് ചെയ്തു. കുരുടിമുക്കിൽ നടന്ന സന്ദേശ സദസ്സ് സിവിൽ സർവീസ് ജേതാവ് ശാരിക ഏ.കെ ഉദ്ഘാടനം ചെയ്തു.
കിപ് എരിയാ ചെയർമാൻ സുധാകരൻ പുതുക്കുളങ്ങര അധ്യക്ഷനായി. എം.കെ.കുഞ്ഞമ്മദ് പ്രതിജ്ഞക്ക് നേതൃത്വം നൽകി. കിപ് ജില്ലാ സെക്രട്ടറി മറിയാമ്മ ബാബു സന്ദേശ പ്രഭാഷണം നടത്തി. കെ.ഇമ്പിച്ച്യാലി, വി.കെ ബാബുരാജ്, ഇടത്തിൽ ശിവൻ, കെ. അബ്ദുറഹ്‌മാൻ,സി. കെ പ്രഭാകരൻ,ഹംസ കാട്ടുകണ്ടി, പി.ടി അബ്ദുറഹ്‌മാൻ എന്നിവർ ആശംസകൾ അർപ്പിച്ചു.കെ.മുഹമ്മദ് അഷ്‌റഫ്‌ സ്വാഗതവും അമ്മദ് എടച്ചേരി നന്ദിയും പറഞ്ഞു.
