കൊയിലാണ്ടി: കൊയിലാണ്ടി നഗരസഭയുടെയും വ്യവസായ വാണിജ്യ വകുപ്പിന്റെയും സംയുക്താഭിമുഖ്യത്തിൽ ഇ.എം.എസ് ടൗൺഹാളിൽ വച്ച് സംരംഭകത്വ ശിൽപശാല സംഘടിപ്പിച്ചു. കൊയിലാണ്ടി നഗരസഭ വ്യവസായ വികസന ഓഫീസർ ശ്രീ നിജീഷ് ആർ സ്വാഗതം പറഞ്ഞ ചടങ്ങിൽ ബഹു. നഗരസഭ ചെയർപേഴ്സൺ ശ്രീമതി സുധ കിഴക്കേ പാട്ട് ഉദ്ഘാടനം നിർവഹിച്ചു.
നഗരസഭ വൈസ് ചെയർമാൻ ശ്രീ അഡ്വ.കെ.സത്യൻ അധ്യക്ഷത വഹിച്ചു. ക്ഷേമകാര്യ സ്റ്റാൻഡിങ് കമ്മിറ്റി ചെയർമാൻ ശ്രീ ഷിജു മാസ്റ്റർ, പൊതുമരാമത്ത് സ്റ്റാൻഡിങ് കമ്മിറ്റി ചെയർമാൻ ശ്രീ ഇ.കെ അജിത്,ആരോഗ്യകാര്യ സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി പ്രജില.സി , വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ ശ്രീമതി നിജില പറവക്കൊടി എന്നിവർ ആശംസകൾ അർപ്പിച്ചു.
തുടർന്ന് കൊയിലാണ്ടി നഗരസഭ വ്യവസായ വികസന ഓഫീസർ ശ്രീ നിജീഷ്.ആർ,കൊയിലാണ്ടി നഗരസഭാ വ്യവസായ വകുപ്പ് എന്റർപ്രൈസ് ഡെവലപ്മെൻറ് എക്സിക്യൂട്ടീവ് മാരായ അശ്വിൻ.പി.കെ , ഐശ്വര്യ.സി.പി തുടങ്ങിയവർ വിവിധ വിഷയങ്ങളിൽ ക്ലാസുകൾ കൈകാര്യം ചെയ്തു.ആകെ 91 പേർ പങ്കെടുത്ത ചടങ്ങിൽ എന്റർപ്രൈസ് ഡെവലപ്മെൻറ് എക്സിക്യൂട്ടീവ് അശ്വിൻ.പി.കെ നന്ദി പറഞ്ഞു.
