പൊയിൽകാവ് ദുർഗ്ഗാദേവി ക്ഷേത്രവികസനത്തിനുള്ള മാസ്റ്റർ പ്ലാൻ കോഴിക്കോട് എൻ.ഐ.ടി ആർക്കിടെക്ചർ ആൻഡ് പ്ലാനിംഗ് വിഭാഗത്തിലെ ഡോ.എ.കെ.കസ്തൂർബ മലബാർ ദേവസ്വം ബോർഡ് ചെയർമാൻ എം.ആർ.മുരളിക്ക് കൈമാറി. ക്ഷേത്രങ്ങൾ ആരാധനാലയങ്ങൾ മാത്രമല്ലന്നും മാനവികതയുടെയും മനുഷ്യസ്നേഹത്തിൻ്റെയും കേന്ദ്രങ്ങളാണന്നും മലബാർ ദേവസ്വം ബോർഡിൻ്റെ കീഴിലുള്ള പല ക്ഷേത്രങ്ങളും ജീവകാരുണ്യ പ്രവർത്തനങ്ങൾ നടത്തുന്നുണ്ടെന്നും അദ്ദേഹം പറഞ്ഞു.
നവരാത്രി ആഘോഷങ്ങളോടനുബന്ധിച്ച് ക്ഷേത്രത്തിൽ നടന്ന ചടങ്ങിൽ ആഘോഷ കമ്മിറ്റി ചെയർമാൻ കേണൽ സുരേഷ് ബാബു അധ്യക്ഷനായിരുന്നു. ട്രസ്റ്റി ബോർഡ് ചെയർമാൻ പുതുക്കുടി ഗോവിന്ദൻ നായർ ,ട്രസ്റ്റി ബോർഡംഗം ശരീന്ദ്രൻ ഒറവങ്കര, സി.വി.ബാലകൃഷ്ണൻ, ഡോ.ഒ വാസവൻ, അഡ്വ.രഞ്ജിത് ശ്രീധർ എന്നിവർ സംസാരിച്ചു. കോഴിക്കോട് എൻ.ഐ.ടിയിലെ ഡോ.എ.കെ.കസ്തൂർബ, ഡോ.അഞ്ജന ഭാഗ്യനാഥൻ, ആർക്കിടെക്റ്റ് അനഘ ദീപ് ശശീന്ദ്രൻ എന്നിവർ ചേർന്നാണ് മാസ്റ്റർ പ്ലാൻ തയ്യാറാക്കിയത്.
