പുരോഗമന കലാ സാഹിത്യ സംഘം കൊയിലാണ്ടി മേഖല വനിതാ സാഹിതി കൺവെൻഷൻ ചേർന്ന് പുതിയ മേഖലാ കമ്മിറ്റി രൂപവത്കരിച്ചു. കുടുംബശ്രീ ജില്ലാ കോ ഓർഡിനേറ്റർ കവിത. പി. സി കൺവെൻഷൻ ഉദ്ഘാടനം ചെയ്തു. നവോത്ഥാന മൂല്യങ്ങൾ നഷ്ടപ്പെട്ടുകൊണ്ടിരിക്കുന്ന വർത്തമാന കേരളത്തിൽ അതു തിരിച്ചുപിടിക്കുന്നതിനുള്ള സാംസ്കാരിക പോരാട്ടത്തിന് സ്ത്രീകൾ നേതൃത്വം നൽകണമെന്നും അതിനു സഹായകമാകാൻ വനിത സാഹിതിക്കു കഴിയണമെന്നും അവർ പറഞ്ഞു.
വനിതാ സാഹിതി കോഴിക്കോട് ജില്ലാ സെക്രട്ടറി വി ബിന്ദു സംഘടനാ റിപ്പോർട്ട്‌ അവതരിപ്പിച്ചു. അഞ്ജന സ്വാഗതം പറഞ്ഞു. ആർ. കെ. ദീപ ആദ്ധ്യക്ഷ്യം വഹിച്ചു. ബാലാമണി അമ്മ പുരസ്‌കാരം നേടിയ പി. വി.ഷൈമയെ ചടങ്ങിൽ അനുമോദിച്ചു. പുകസ മേഖല സെക്രട്ടറി മധു കിഴക്കയിൽ, കെ. എസ്‌. ടി. എ. സബ്ജില്ലാ പ്രസിഡണ്ട്‌ പി പവിന, എം.ഊർമിള, വിഷ്ണുപ്രിയ എന്നിവർ ആശംസകളർപ്പിച്ചു സംസാരിച്ചു. പ്രീത ബാബു നന്ദി പറഞ്ഞു. പുതിയ ഭാരവാഹികളായി ആർ. കെ. ദീപ. പ്രസിഡന്റ്, പി. വി. ഷൈമ, തങ്കമണി ചേലിയ വൈസ് പ്രസിഡന്റുമാർ, പ്രീത ബാബു സെക്രട്ടറി, പദ്മിനി, അനുഷ ജോയിന്റ് സെക്രട്ടറിമാർ, എം.ഊർമ്മിള ട്രഷറർ എന്നിവരെ തെരഞ്ഞെടുത്തു.
