ജനജീവിതം ആശങ്കയിലാക്കി നഗരസഭ പരിധിയിലുടനീളം വ്യാപിച്ചു കൊണ്ടിരിക്കുന്ന ചൊറിയൻ പുഴു ശല്യത്തിൽ നഗരസഭ നടപടിയെടുക്കണമെന്ന് സൗത്ത് – നോർത്ത് മണ്ഡലം പ്രസിഡണ്ട്മാരായ അരുൺ മണമൽ, രജീഷ് വെങ്ങളത്ത് കണ്ടി, കോർ കമ്മിറ്റി ചെയർമാൻ ടി.പി. കൃഷ്ണൻ എന്നിവർ ആവശ്യപ്പെട്ടു.
വാഴ കൃഷി ഉൾപ്പെടെയുള്ള കാർഷിക മേഖലയ്ക്കും, അലങ്കാര പൂച്ചെടികൾക്കും വലിയ നാശമാണ് പുഴുക്കൾ വരുത്തുന്നത്. ഇതിന് പുറമെ പുഴുക്കളുമായുള്ള സമ്പർക്കും മൂലം ജനങ്ങൾക്ക് സംഭവിക്കുന്ന ആരോഗ്യപരമായ ബുദ്ധിമുട്ടുകൾ വേറെയുമുണ്ട്. അടിയന്തര നടപടികൾ സ്വീകരിച്ചിട്ടില്ലെങ്കിൽ സാമൂഹികമായി വലിയ പ്രത്യാഘാതങ്ങൾക്ക് ഇത് വഴിയൊരുക്കുമെന്നും ചൂണ്ടിക്കാണിച്ചു. നഗരസഭയുടെ അനാസ്ഥ തുടർന്നാൽ പ്രക്ഷോഭങ്ങൾക്ക് നേതൃത്വം നൽകുമെന്നും കോൺഗ്രസ്സ് വ്യക്തമാക്കി.
