കലാസമ്പന്നമായ നവരാത്രി ദിനങ്ങളെ വരവേറ്റു കൊണ്ട് പൂക്കാട് കലാലയ ത്തിൽ പത്തു ദിവസത്തെ നവരാത്രി ആഘോ ഷങ്ങൾക്ക് തുടക്കമായി.സംഗീതാചാര്യൻ മലബാർ സുകുമാരൻ ഭാഗവതർ സ്മാരക സംഗീത മണ്ഡപത്തിൽ പ്രശസ്ത സംഗീതജ്ഞൻ പയ്യന്നൂർ കെ . വി .ജഗദീഷ് ഭദ്രദീപം കൊളുത്തി ഉദ്ഘാടനം ചെയ്തു . യു.കെ.രാഘവൻ അ
ധ്യക്ഷത വഹിച്ച യോഗത്തിൽ ശിവദാസ് ചേമഞ്ചേരി ,സുനിൽകുമാർ തിരുവങ്ങൂർ ശിവദാസ് കാരോളി എന്നിവർ സംസാരിച്ചു.തുടർന്ന് പയ്യന്നൂർ കെ. വി. ജഗദീഷിന്റെ നേതൃത്വത്തിൽ കർണാടക കച്ചേരി അരങ്ങറി . അഖിൽ ആർ .എസ് .(വയലിൻ ) ഋഷികേശ് ( മൃദംഗം)രാമൻ നമ്പൂതിരി (ഘടം) എന്നിവർ പക്ക മേളമൊരുക്കി.തുടർ ദിവസങ്ങളിൽ ശാസ്ത്രീയ സംഗീത കച്ചേരി, ഗസൽ , ഉപകരണ സംഗീത കച്ചേരി ,ഭരതനാട്യം ,മോഹിനിയാട്ടം , ഭക്തിഗാനമേള എന്നിവ നടക്കും.ഗ്രന്ഥം വെപ്പ് ,മഹാനവമി പൂജ വിദ്യാരംഭം , കലാപഠന ക്ലാസുകളിലേക്കുള്ള പ്രവേശനം , സമൂഹ കീർത്തനാലാപനം എന്നിവയും ആഘോഷത്തിന്റെ ഭാഗമായി സംഘടിപ്പിച്ചിട്ടുണ്ട് . ഒക്ടോബർ 1 മുതൽ 31 വരെ നൃത്തം, സംഗീതം, വാദ്യം ,ചിത്രം എന്നീ ക്ലാസ്സുകളിലേക്കുള്ള പ്രവേശനം നടക്കും.
