അരിക്കുളം : എ കെ ജി ഗ്രന്ഥാലയം, തറമലങ്ങാടി ഗാന്ധിജയന്തി ദിനം സമുചിതമായി ആചരിച്ചു. ദിനാചരണത്തിന്റെ ഭാഗമായി രാവിലെ അരിക്കുളം നാലാം വാർഡ് തറമലങ്ങാടിയിൽ പ്രവർത്തിക്കുന്ന ഗവൺമെന്റ് ആയുർവേദ ആശുപത്രിയും ചുറ്റുപാടും ശുചീകരിച്ചു. ശുചീകരണ പ്രവർത്തി നാലാം വാർഡ് അംഗം വി പി അശോകൻ ഉദ്ഘാടനം ചെയ്തു. പരിപാടിക്ക് ഡോക്ടർ രമ്യ,കെ കെ മനോജ് കുമാർ മാസ്റ്റർ, കെ ട്ടി വിജിത്ത്, കെ കെ മാധവൻ, സി രമേശൻ മാസ്റ്റർ, എൻ കെ നാരായണൻ, പി അമ്മദ്, കെ കെ പുഷ്പ, ഷിജില പി, മുജൂ കാരയാട്, പി ബിസ എന്നിവർ നേതൃത്വം നൽകി.
വൈകീട്ട് ഗ്രന്ഥാലയത്തിൽ വച്ച് ഗാന്ധി ക്വിസ് മത്സരം യുപിതല വിദ്യാർഥികൾക്കായി നടത്തി. മത്സരത്തിൽ കാരയാട് യു പി സ്കൂൾ വിദ്യാർത്ഥികളായ ലിയോണ എസ്സ് വിജയ്,തേജൽ, നേഹ പ്രവീൺ തുടങ്ങിയവർ വിജയികളായി. വിജയികൾക്കുള്ള ഉപഹാരം വാർഡംഗം വി പി അശോകൻ വിതരണം ചെയ്തു.ജിനീഷ് മാസ്റ്റർ അധ്യക്ഷത വഹിച്ചു.പരിപാടിയിൽ കെ കെ സി രവീന്ദ്രൻ, കെ ടി വിജിത്ത് എന്നിവർ സംസാരിച്ചു. പന്തലായിനി ബിആർസിയിലെ സോഷ്യൽ സയൻസ് റിസോഴ്സ് പേഴ്സൺ ബി കെ പ്രവീൺകുമാർ മാസ്റ്റർ ക്വിസ് നയിച്ചു.
