പേരാമ്പ്ര:വിദ്യാർത്ഥി ജീവിതം തൊട്ട് അഭിഭാഷകനും ,എം .എൽ .എ യും സോഷ്യലിസ്റ്റ് പാർട്ടിയുടെ അഖിലേന്ത്യാ നേതാവായിരുന്നപ്പോഴും ജീവിതാന്ത്യം വരെ സാധാരണക്കാരുടെ ഇടയിൽ അവർക്ക് വേണ്ടി മാത്രമായി ജീവിച്ച അഡ്വ:എം.കെ.പ്രേംനാഥ് ജനഹൃദയങ്ങളിൽ ജീവിക്കുന്ന സോഷ്യലിസ്റ്റ് നേതാവായി എന്നും നിലനിൽക്കുമെന്ന് കിസാൻ ജനത സംസ്ഥാന ജനറൽ സിക്രട്ടറി വത്സൻ എടക്കോടൻ പറഞ്ഞു
മുൻ എം.എൽ.എയും സോഷ്യലിസ്റ്റ് നേതാവുമായിരുന്ന അഡ്വ: എം.കെ.പ്രേംനാഥിൻ്റെ ഒന്നാം ചരമ വാർഷികത്തോടനുബന്ധിച്ച് കിസാൻ ജനത നൊച്ചാട് പഞ്ചായത്ത് കമ്മിറ്റി സംഘടിപ്പിച്ച അനുസ്മരണ പരിപാടി ചാലിക്കര അംഹാസ് ഒഡിറ്റോറിയത്തിൽ ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം
സമ്പന്ന കുടുംബത്തിൽ ജനിച്ചതിൻ്റെ സുഖലോലുപക തകളിൽ ഒരിക്കൽ പോലും ആകൃഷ്ടനാകാതെ വിദ്യാർത്ഥി രാഷ്ട്രീയത്തിൽ തുടങ്ങി തീഷ്ണമായ സമരപഥങ്ങളിലൂടെ ഇന്ത്യയിൽ അങ്ങോളമിങ്ങോളം ഓടി നടന്ന് രാജ്യത്തിന് ആശാസ്യകരമല്ലാത്തവർഗ്ഗീയ രാഷ്ട്രീയ ധ്രുവീകരണത്തിനെതിരെ സോഷ്യലിസ്റ്റ് മുന്നേറ്റം മാത്രമാണ് പ്രതിവിധി എന്ന് ജീവിതാന്ത്യം വരെ പ്രേംനാഥ് സമൂഹത്തെ ഓർമ്മിപ്പിച്ചു കൊണ്ടിരുന്നു എന്നും അദ്ദേഹം പറഞ്ഞു
ലത്തീഫ് വെള്ളിലോട്ട് അദ്ധ്യക്ഷത വഹിച്ചു അഡ്വ: രാജീവൻ മല്ലിശ്ശേരി അനുസ്മരണ പ്രഭാഷണം നടത്തി
കല്ലോട് ഗോപാലൻ, കെ.രാജൻ, പി.സി.സതീഷ്, കെ.വി.ബാലൻ, കെ.കെ.പ്രേമൻ,രജീഷ് കിഴക്കയിൽ, വി.കെ.ഭാസ്കരൻ ,കെ.എം.കുഞ്ഞികൃഷ്ണൻ നായർ, സി.എച്ച്.ബാബു. ഷാജി വട്ടോളി എന്നിവർ സംസാരിച്ചു.
