പുകസ കൊയിലാണ്ടി മേഖലാ കമ്മിറ്റി ‘ഇന്നലെ നീയൊരു സുന്ദരരാഗമായി’ എന്ന പേരിൽ നാളെ (27.9.2024 വെള്ളിയാഴ്ച) വൈകുന്നേരം 5 മണി മുതൽ കൊയിലാണ്ടി നഗരസഭ ഹാപ്പിനെസ്സ് പാർക്കിൽ പി. ഭാസ്കരൻ സ്മൃതി സംഘടിപ്പിക്കുന്നു.
മലയാളത്തിലെ ചുവപ്പു ദശകത്തിന്റെ കവിയും ഗാനരചനാ ത്രയങ്ങളിൽ ഒരാളുമായ പി.ഭാസ്കരന്റെ ജന്മശതാബ്ദി വർഷമാണിത്. എത്ര കേട്ടാലും മതിവരാത്ത അനേകം ഗാനങ്ങൾ കൈരളിക്കു സമ്മാനിച്ച ആ ബഹുമുഖ പ്രതിഭയെ വീണ്ടും ഓർമ്മിക്കുവാനുള്ള ഒരവസരം ഒരുക്കുകയാണ് പുകസ കൊയിലാണ്ടി മേഖലാ കമ്മിറ്റി. നാളെ 27.9.2024 വെള്ളിയാഴ്ച വൈകുന്നേരം 5 മണി മുതൽ കൊയിലാണ്ടി നഗരസഭ ഹാപ്പിനെസ്സ് പാർക്കിൽ ഭാസ്കരൻ മാഷെക്കുറിച്ചുള്ള ഓർമ്മകളും എക്കാലവും ഓർക്കുന്ന അദ്ദേഹത്തിന്റെ കവിതകളും ഗാനങ്ങളും ചേർത്ത് ‘ഇന്നലെ നീയൊരു സുന്ദര രാഗമായി’ എന്ന പേരിൽ പി ഭാസ്കരൻ സ്മൃതി സംഘടിപ്പിക്കുന്നു.
ശ്രീ.കന്മന ശ്രീധരൻ മാസ്റ്റർ ഉദ്ഘാടനം ചെയ്യുന്ന പരിപാടിയിൽ, ഗാനങ്ങളോടൊപ്പം സുനിൽ തിരുവങ്ങൂർ, റിഹാൻ റാഷീദ്, മോഹനൻ നടുവത്തൂർ , ടി. നാരായണൻ, എൻ. ഇ. ഹരികുമാർ, നജീബ് മൂടാടി, എ സുരേഷ്, മധു ബാലൻ, ഡോ. ലാൽ രഞ്ജിത് തുടങ്ങിയവർ സംസാരിക്കുന്നു.
