നന്തി ബസാർ: മൂടാടിയിൽ പോഷൺമാ പരിപാടി സംഘടിപ്പിച്ചു. അംഗൻവാടികൾ കേന്ദ്രികരിച്ച് ഒരു മാസമായി സംഘടിപ്പിച്ച പോഷൻ മാ പരിപാടിയുടെ പഞ്ചായത്ത്തല സമാപനം മൂടാടി ഗ്രാമപഞ്ചായത്ത് ഹാളിൽ നടന്നു.ക്വിസ്കോമ്പിറ്റീഷൻ , ആരോഗ്യ ക്ലാസ് , 32 അംഗൻവാടികൾ പങ്കെടുത്ത പോഷക ഭക്ഷ്യ പാചക മത്സരം എന്നിവയും നടന്നു. ആരോഗ്യം – കൃഷി. ഹോമിയോ – സാമൂഹ്യനീതി വകുപ്പ് – കുടുംബശ്രീ എന്നിവയുടെ ആഭിമുഖ്യത്തിലാണ് പരിപാടി നടന്നത്. ഗ്രാമപഞ്ചായത്ത് പ്രസിഡൻ്റ് സി.കെ.ശ്രീകുമാർ ഉത്ഘാടനം ചെയ്തു. ഷീജ പട്ടേരി അധ്യക്ഷയായി. മെമ്പർമാരായ പപ്പൻ മൂടാടി , പി.പി.കരീം എന്നിവരും ശ്രീലത, ധന്യ പഞ്ചായത്ത് സെക്രട്ടറി ജിജി ,കൃഷി ഓഫിസർ പി.ഫൗസിയ , ഡോക്ടർ പ്രബിത ഹെൽത് അസിസ്റ്റൻ്റ് സെക്രട്ടറി ഗിരിഷ് കുമാർ ഇൻസ്പെക്ടർ നൗഷിർ സംസാരിച്ചു. എം.പി.അഖില സ്വാഗതവും രാജലക്ഷ്മി നന്ദിയും പറഞ്ഞു.
