അത്തോളി :കണ്ണിപ്പൊയിൽ പുതുക്കിപ്പണിത ജുമാമസ്ജിദ് വിശ്വാസികൾക്ക് സമർപ്പിച്ചു. എല്ലാവരും സൗഹാർദ്ദത്തോടെ ജീവിക്കുന്നതാണ് നമ്മുടെ നാടിൻ്റെ പാരമ്പര്യമെന്ന് എ.പി. അബുബക്കർ മുസ്ല്യാർ പറഞ്ഞു. പുതുക്കിപ്പണിത ജുമാമസ്ജിദിൻ്റെ ഉദ്ഘാടനം നിർവഹിച്ചു സംസാരിക്കകുയായിരുന്നു കാന്തപുരം. പ്രാർഥനകൾ യാഥാർഥ്യമാവാനുള്ള ഉത്തമ മാർഗമാണ് നിസ്കാരമെന്നും അദ്ദേഹം കൂട്ടിചേർത്തു. പള്ളി കമ്മിറ്റി സെക്രട്ടറി സി.എം. മൊയ്തീൻ കോയ അധ്യക്ഷത വഹിച്ചു. കാപ്പാട് ഖാസി നൂറുദ്ദീൻ ഹൈത്തമി, മർക്കസ് ഡയരക്ടർ ജനറൽ സി. മുഹമ്മദ് ഫൈസി, മുഹമ്മദ് ഷാഫി എന്നിവർ പ്രസംഗിച്ചു. നൂറുകണക്കിന് വിശ്വാസികളും ചടങ്ങിൽ പങ്കെടുത്തു.
