സമരപ്പന്തൽ പുതുക്കി പണിത്, ഓണനാളിൽ പട്ടിണി സമരവുമായി തിക്കോടിയിലെ അടിപ്പാത സമരസമിതി

പോലീസ് വേട്ടയിൽ പതറാതെ, ജനങ്ങളുടെ ന്യായമായ ആവശ്യത്തിനു വേണ്ടി, പോരാട്ടച്ചൂട്ടുമായി തിക്കോടിയിലെ അടിപ്പാത സമരസമിതി സമര വീണ്ടും രംഗത്തേക്ക്!

സാംസ്കാരിക സമ്പന്നതയും, കാർഷിക ചരിത്രവും അമർന്നു കിടക്കുന്ന തിക്കോടിയെ, രണ്ട് കഷണമാക്കി മുറിച്ച്,ജനങ്ങളെ അസ്വസ്ഥതയുടെ തീചൂളയിലേക്ക് വലിച്ചെറിഞ്ഞ അധികാരികൾക്കെതിരെ ജനങ്ങൾ ഒറ്റക്കെട്ടായി വീണ്ടും സമരം രംഗത്തേയ്ക്ക് കുതിക്കുകയാണ്

കഴിഞ്ഞ പത്താം തീയതി യാതൊരു പ്രകോപനമില്ലാതെ ജെസിബി ഉപയോഗിച്ച് പറിച്ചെറിഞ്ഞ സമരപ്പന്തൽ അവർ വീണ്ടും പുതുക്കിപ്പണിതു. അടുത്താഴ്ച വിവിധ രാഷ്ട്രീയ, സാംസ്കാരിക, മേഖലകളിലെ ഉന്നതരെ അണിനിരത്തി പന്തൽ ഉദ്ഘാടനം ചെയ്യിക്കാനും, വിപുലമായ സമര കൺവെൻഷൻ നടത്താനും തീരുമാനിച്ചു. അതിൻറെ ആരംഭം എന്ന നിലക്ക് പൊന്നോണ ദിവസം കൂട്ടത്തോടെ നിരാഹാരം കിടന്ന് അധികാരികളെ പ്രതിഷേധം അറിയിക്കാനും തീരുമാനിച്ചു. കേന്ദ്രമന്ത്രിക്കും, മുഖ്യമന്ത്രിക്കും, ബന്ധപ്പെട്ട ഉന്നതർക്കും ഒക്കെ നിവേദനം കൊടുക്കാനും, ജില്ലാ ആസ്ഥാനത്തും, വഗാഡ് കേന്ദ്രങ്ങൾക്കു മുമ്പിലും, ജില്ലാ കേന്ദ്രത്തിലും ധർണ നടത്താനും ഒരുക്കങ്ങൾ നടക്കുകയാണ്.

ജില്ലാ മണ്ണ് പരിശോധന കേന്ദ്രം, തെങ്ങിൻ തൈ വളർത്തകേന്ദ്രം, കൃഷിഭവൻ, തിക്കോടിയൻ സ്മാരക ഗവൺമെൻറ് വൊക്കേഷൻ ഹയർ സെക്കൻഡറി സ്കൂൾ, കോടിക്കൽ മീൻപിടിത്ത കേന്ദ്രം, റെയിൽവേ സ്റ്റേഷൻ തുടങ്ങി നിരവധി സ്ഥാപനങ്ങൾ നാഷണൽ ഹൈവേയുടെ രണ്ടുഭാഗത്തുമായി സ്ഥിതി ചെയ്യുന്ന തിക്കോടിയിൽ, ജനങ്ങൾ അറ്റു പോയ ബന്ധങ്ങൾക്കിടയിൽ കിടന്ന് ശ്വാസം മുട്ടുകയാണ് ഇപ്പോൾ. എന്ത് വിലകൊടുത്തും ഇതിനൊരു പരിഹാരം ഉണ്ടാക്കാൻ വേണ്ടി, എല്ലാ ബുദ്ധിമുട്ടുകളും മാറ്റിവെച്ച്, അരയും തലയും മുറുക്കി അവർ രംഗത്തിറങ്ങുകയാണ്.

Leave a Reply

Your email address will not be published.

Previous Story

പുലപ്രകുന്ന് സാംബവ കോളനിയിലെ കുടിവെളള പ്രശ്നം പരിഹരിക്കും: ഷാഫി പറമ്പിൽ എം.പി

Next Story

തിക്കോടിഅടിപ്പാത; പൊലീസ് അധിക്രമത്തെ ഗ്ലോബൽ കമ്മിറ്റി അപലപിച്ചു

Latest from Local News

മരളൂർ രാമർ വീട്ടിൽ പരദേവതാ ക്ഷേത്രത്തിൽ പ്രതിഷ്ഠാദിനം ആഘോഷിച്ചു

കൊയിലാണ്ടി: മരളൂർ രാമർ വീട്ടിൽ പരദേവതാ ക്ഷേത്രത്തിൽ തന്ത്രി തൃക്കുറ്റിശ്ശേരി പുതുശ്ശേരി ഇല്ലത്ത് മൂർഖൻമഠത്തിൽ നാരായണൻ നമ്പൂതിരിയുടെ മുഖ്യകാർമ്മികത്വത്തിൽ പ്രതിഷ്ഠാദിനം ആഘോഷിച്ചു.

ദിശ പാലിയേറ്റീവ് പള്ളിക്കര മുണ്ട് ചലഞ്ച് ജൂലൈ 01 മുതൽ ഓഗസ്റ്റ് 31 വരെ

10 വർഷമായി പള്ളിക്കരയിൽ പാലിയേറ്റീവ് രംഗത്ത് പ്രവർത്തിക്കുന്ന ദിശ പാലിയേറ്റീവിന്റെ ജനകീയ ഫണ്ട്‌ ശേഖരണത്തിന്റെ ഭാഗമായി മുണ്ട് ചലഞ്ച് ജൂലൈ 01

കൊയിലാണ്ടി നഗരസഭ വാർഷിക പദ്ധതി ഭിന്നശേഷിക്കാർക്ക് സൈഡ് വീൽ ഘടിപ്പിച്ച സ്കൂട്ടർ വിതരണം നടത്തി

കൊയിലാണ്ടി നഗരസഭ വാർഷിക പദ്ധതി ഭിന്നശേഷിക്കാർക്ക് സൈഡ് വീൽ ഘടിപ്പിച്ച സ്കൂട്ടർ വിതരണം നടത്തി. ബഹു : നഗരസഭ ചെയർപേഴ്സൺ സുധ

ആരോഗ്യമേഖലയെ തകർക്കാൻ സ്വകാര്യ ആശുപത്രി ലോബികളുമായി സർക്കാർ കൈ കോർക്കുന്നു: അഡ്വ. കെ പ്രവീൺ കുമാർ

കൊയിലാണ്ടി : ആരോഗ്യമേഖലയോടുള്ള സംസ്ഥാന സർക്കാരിന്റെ അവഗണനക്കും അനാസ്ഥക്കുമെതിരെ കൊയിലാണ്ടി താലൂക്ക് ഹെഡ്‌ക്വാർട്ടേഴ്‌സ് ആശുപത്രിക്ക് മുൻപിൽ കൊയിലാണ്ടി, പയ്യോളി ബ്ലോക്ക്‌ കോൺഗ്രസ്‌