കാർഷിക വികസന കർഷകക്ഷേമ വകുപ്പ് നടപ്പിലാക്കുന്ന ഓണസമൃദ്ധി കർഷികചന്ത 2024-25 കൊയിലാണ്ടി മുൻസിപ്പൽ കൃഷിഭവന്റെ നേതൃത്വത്തിൽ ആരംഭിച്ചു .നഗരസഭ ഇ എം എസ് ടൗൺഹാൾ പരിസരത്ത് ആരംഭിച്ച പഴം – പച്ചക്കറി വിപണന കേന്ദ്രത്തിന്റെ ഉദ്ഘാടനം വികസനകാര്യ സ്റ്റാന്റിംഗ് കമ്മിറ്റി ചെയർപേഴ്സൺ കെ എ ഇന്ദിരയുടെ അധ്യക്ഷതയിൽ നഗരസഭ ചെയർപേഴ്സൺ സുധ കിഴക്കേപ്പാട്ട് നിർവഹിച്ചു.
കർഷർ ഉല്പാദിപ്പിക്കുന്ന പച്ചക്കറികൾക്ക് വിപണി കണ്ടെത്തുന്നതോടൊപ്പം പൊതു ജനങ്ങൾക്ക് ന്യായ വിലയിൽ പച്ചക്കറി ലഭ്യമാക്കുകയുമാണ് വിപണന കേന്ദ്രം ലക്ഷ്യമിടുന്നത് ഇടനിലക്കാരില്ലാതെ കർഷകർക്ക് ലാഭം നേടാനും ഇതുവഴി സാധിക്കും. സെപ്തംബർ 11മുതൽ 14വരെയാണ് ഓണസമൃദ്ധി പച്ചക്കറി ചന്തകൾ പ്രവർത്തിക്കുക.
കൃഷി ഓഫീസർ പി വിദ്യ സ്വാഗതം പറഞ്ഞ ചടങ്ങിൽ കൗൺസിലർമാരായ രത്നവല്ലി ,വി പി ഇബ്രാഹിംകുട്ടി ,വത്സരാജ് , കാർഷിക വികസനസമിതി അംഗങ്ങളായ പി കെ ഭരതൻ, ശ്രീധരൻ കന്മനകണ്ടി ,മാധവൻ, കർഷക പ്രതിനിധികൾ ,അസിസ്റ്റന്റ് കൃഷിഓഫീസർ രജീഷ് കുമാർ എന്നിവർ സംസാരിച്ചു.
