ചെങ്ങോട്ടുകാവ് ഗ്രാമ പഞ്ചായത്ത് കുടുംബശ്രീ ഓണം വിപണന മേള ചെങ്ങോട്ടുകാവ് മേൽപ്പാലത്തിനു സമീപം പന്തലായനി ബ്ലോക്ക് പഞ്ചായത്ത് പ്രസിഡന്റ്‌ പി. ബാബുരാജ് ഉദ്ഘാടനം ചെയ്തു.സി. ഡി. എസ്‌. വൈസ് ചെയർപേഴ്സൺ ഷമിത സ്വാഗതം പറഞ്ഞു. ചെയർപേഴ്സൺ പ്രനീത. ടി. കെ. ആദ്ധ്യക്ഷ്യം വഹിച്ചു. ആദ്യ വില്പന ചെങ്ങോട്ടുകാവ് ഗ്രാമ പഞ്ചായത്ത് പ്രസിഡന്റ്‌ ഷീബ മലയിൽ നിർവ്വഹിച്ചു. ഗ്രാമ പഞ്ചായത്ത് വൈസ് പ്രസിഡന്റ്‌ പി. വേണു, ക്ഷേമകാര്യ സ്റ്റാന്റിംഗ് കമ്മിറ്റി അദ്ധ്യക്ഷൻ ബേബി സുന്ദർരാജ്, ബ്ലോക്ക് പഞ്ചായത്ത് അംഗം ഇ. കെ. ജൂബിഷ്, ഗ്രാമ പഞ്ചായത്ത് അംഗം കെ.രമേശൻ, മെമ്പർ സെക്രട്ടറി ഹരി, എം. ഇ. സി. സാബിറ, ബി. സി. ജിസ്ന എന്നിവർ സംസാരിച്ചു. സി. ഡി. എസ്‌. അംഗം പ്രജിത.കെ.കെ ചടങ്ങിന് നന്ദി പറഞ്ഞു. സെപ്റ്റംബർ 11മുതൽ 14 വരെ നടക്കുന്ന മേളയിൽ ഭക്ഷ്യോത്പന്നങ്ങൾ ഭക്ഷ്യവിഭവങ്ങൾ, പച്ചക്കറികൾ, തുണിത്തരങ്ങൾ, പൂച്ചട്ടികൾ,
പൂച്ചെടികൾ, രുചിയൂറും പായസങ്ങൾ എന്നിവയ്ക്കു പുറമെ കുടുംബശ്രീ ഹോം ഷോപ്പ് സംരംഭകരുടെ സ്റ്റാളുകളും പ്രവർത്തിക്കുന്നു. മേളയുടെ ഭാഗമായി വൈകുന്നേരങ്ങളിൽ വിവിധ കലാപരിപാടികൾ അരങ്ങേറും. സെപ്തംബർ 11 ന് നാടൻ പാട്ട്, 12 ന് കുടുംബശ്രീ ബാലസഭ കൂട്ടുകാരുടെ കലാപരിപാടികൾ 13 ന് കരോക്കെ ഗാനങ്ങൾ എന്നിവ ഉണ്ടായിരിക്കുന്നതാണ്.
