ബസ് ഇടിച്ചു പരിക്കേറ്റ ബൈക്ക് യാത്രക്കാരനെ അതേ ബസ്സിൽ ആശുപത്രിയിൽ എത്തിച്ചു

കൊയിലാണ്ടി: ബസ്സും ബൈക്കും കൂട്ടിയിടിച്ചു പരിക്ക് പറ്റിയ യുവാവിനെ അതേ ബസ്സിൽ കൊയിലാണ്ടി താലൂക്ക് ആശുപത്രിയിലെത്തിച്ചു.ചെങ്ങോട്ടുകാവിൽ ബസ്സും ബൈക്കും കൂട്ടിയിടിച്ചാണ് അപകടമുണ്ടായത്. ചെങ്ങോട്ടുകാവ് സ്വദേശി ജീവൻ രാജ് (47) നാണ് പരിക്കേറ്റത്. ഇയാളെ അതേ ബസ്സിൽ തന്നെ താലൂക്കാശുപത്രിയിൽ എത്തിക്കുകയായിരുന്നുകാലിനും തലയ്ക്കും പരിക്കുണ്ട്. ചൊവ്വാഴ്ച വൈകീട്ടാണ് സംഭവം. കണ്ണൂർ ഭാഗത്തേക്ക് പോകുന്ന സ്വകാര്യ ബസ്സാണ് അപകടം ഉണ്ടാക്കിയത്. പരിക്ക് സാരമായതിനാൽ യുവാവിനെ മെഡിക്കൽ കോളജിലേക്ക് മാറ്റി.