കോഴിക്കോട് : കേരള പൊലീസിനെ അധോലോകത്തിനു തീറെഴുതിയ മുഖ്യമന്ത്രിയുടെ രാജി ആവശ്യപ്പെട്ട് യൂത്ത് കോൺഗ്രസ് സംസ്‌ഥാന കമ്മിറ്റി നടത്തിയ സെക്രട്ടേറിയറ്റ് മാർച്ചിനു നേരെ പൊലീസ് നടത്തിയ അതിക്രമത്തിലും സംസ്‌ഥാന പ്രസിഡന്റ് രാഹുൽ മാങ്കൂട്ടത്തിൽ, വൈസ് പ്രസിഡൻ്റ് അബിൻ വർക്കി തുടങ്ങിയവരെ ക്രൂരമായി തല്ലിച്ചതച്ചിനും എതിരെ യൂത്ത് കോൺഗ്രസ് കോഴിക്കോട് ജില്ലാ കമ്മിറ്റിയുടെ നേതൃത്വത്തിൽ നഗരത്തിൽ പ്രതിഷേധ പ്രകടനം നടത്തി.
പ്രതിഷേധ പ്രകടനത്തിനിടെ കമ്മിഷണർ ഓഫിസിലേക്ക് യൂത്ത് കോൺഗ്രസ് പ്രവർത്തകർ തള്ളിക്കയറാൻ ശ്രമിച്ചത് സംഘർഷം സൃഷ്‌ടിച്ചു. നേതാക്കൾ ഇടപെട്ടാണ് പ്രവർത്തകരെ ശാന്തരാക്കിയത്. പ്രതിഷേധ പ്രകടനത്തിനു ശേഷം കിഡ്‌സൻ കോർണറിൽ വച്ച് യൂത്ത് കോൺഗ്രസ് പ്രവർത്തകർ മുഖ്യമന്ത്രിയുടെ കോലം കത്തിച്ചു. പ്രതിഷേധത്തിന് യൂത്ത് കോൺഗ്രസ് ജില്ലാ പ്രസിഡന്റ് ആർ.ഷഹിൻ, ടി എം നിമേഷ്, വി ടി നിഹാൽ, ഷാഹിദ് കടലുണ്ടി, സനൂജ് കുരുവടൂർ, ജ്യോതി ജി, അഭിന കുന്നോത്ത്, ടി കെ സിറാജ്ജുദീൻ, പി എം ആഷിക്, കെ എം രബിൻലാൽ, സി വി ആദിൽ അലി, പി പി റമീസ്, അഭിജിത്ത് ഉണ്ണികുളം, ഫസൽ പാലങ്ങാട്, ആഷിക് പിലാക്കൽ എന്നിവർ നേതൃത്വം നൽകി.
