കൊയിലാണ്ടി: ക്രമസമാധാന ചുമതലയുളള എ.ഡി.ജി.പിയടക്കമുളള ഉന്നത പോലീസ് ഉദ്യോഗസ്ഥര്ക്കെതിരെ ഉയര്ന്നു വന്ന ആരോപണങ്ങളെ കുറിച്ച് സി.ബി.ഐ അന്വേഷിക്കണമെന്ന് ശാന്തി സേന കൗണ്സില് സംസ്ഥാന ചെയര്മാന് ഇളയിടത്ത് വേണുഗോപാല് ആവശ്യപ്പെട്ടു.
അധികാരത്തിന്റെ പിന്ബലത്തില് രാഷ്ട്രീയ ക്രിമിനല് മാഫിയ കൂട്ടുകെട്ട് കേരളത്തില് വളര്ന്നു വരുന്നത് അപകടകരമായ സ്ഥിതി വിശേഷമാണ് ഉണ്ടാക്കുന്നത്.ഭരണ കക്ഷി എം.എല്.എ തന്നെ ഇക്കാര്യം തുറന്ന് പറഞ്ഞത് പ്രശ്നത്തിന്റെ ഗൗരവം കൂട്ടുന്നതാണ്. സ്വതന്ത്രവും നിഷ്പക്ഷവുമായ അന്വേഷണം നടത്താന് വിഷയം സി.ബി.ഐയ്ക്ക് വിടണമെന്ന് ഇളയിടത്ത് വേണുഗോപാല് പറഞ്ഞു.
