പേരാമ്പ്ര:പിണറായി സർക്കാറിന് താല്പര്യം കള്ളക്കടത്തിലും,സ്വർണ്ണം പൊട്ടിക്കലിലുമാണെന്നും ജനങ്ങളെ ബാധിക്കുന്ന റോഡ് വിഷയത്തിലൊന്നും അവർക്ക് താല്പര്യമില്ലെന്നും ഡി.സി.സി പ്രസിഡന്റ് അഡ്വ:കെ പ്രവീൺ കുമാർ അഭിപ്രായപ്പെട്ടു. മേപ്പയൂർ-നെല്ല്യാടി-കൊല്ലം റോഡ് ഗതാഗത യോഗ്യമാക്കാൻ വേണ്ടി മേപ്പയൂർ,കീഴരിയൂർ പഞ്ചായത്ത് യു.ഡി.എഫ് സായുക്ത സമരസമിതി നടത്തിയ പേരാമ്പ്ര എം.എൽ.എ ടി.പി രാമകൃഷ്ണന്റെ ഓഫീസ് മാർച്ച് ഉദ്ഘാടനം ചെയ്തു സംസാരിക്കുകയായിരുന്നു പ്രവീൺ കുമാർ. മേപ്പയൂർ കൊല്ലം റോഡ് വികസിപ്പിക്കാതെ എംഎൽഎ ജനങ്ങളെ കബളിപ്പിക്കുകയാണെന്ന്മുസ് ലിം ലീഗ് ജില്ലാജനറൽ സെക്രട്ടറി ടി.ടി ഇസ്മായിൽ കുറ്റപ്പെടുത്തി. സമര സമിതി ചെയർമാൻകൂടിയായ മേപ്പയൂർ പഞ്ചായത്ത് യു.ഡി.എഫ് ചെയർമാൻ പറമ്പാട്ട് സുധാകരൻ അധ്യക്ഷനായി.കീഴരിയൂർ പഞ്ചായത്ത് യു.ഡി.എഫ് ചെയർമാൻ ടി.യു സെനുദ്ദീൻ, എം.കെ അബ്ദുറഹിമാൻ, കെ.പി.സി.സി സെക്രട്ടറി സത്യൻ കടയങ്ങാട്,പേരാമ്പ്ര നിയോജക മണ്ഡലംയു.ഡി.എഫ് ചെയർമാൻ ടി.കെ ഇബ്രാഹിം,മേപ്പയൂർ ബ്ലോക്ക് കോൺഗ്രസ്സ് പ്രസിഡന്റ് കെ.പി രാമചന്ദ്രൻ,ജെ.എസ്.എസ് ജില്ലാ സെക്രട്ടറി കെ.എം സുരേഷ് ബാബു,മേപ്പയൂർ പഞ്ചായത്ത് മുസ് ലിം ലീഗ് പ്രസിഡന്റ് കമ്മന അബ്ദുറഹിമാൻ,കീഴരിയൂർ പഞ്ചായത്ത് യു.ഡി.എഫ് കൺവീനർ ഇടത്തിൽ ശിവൻ എന്നിവർ സംസാരിച്ചു.മാർച്ചിന് യു.ഡി.എഫ് നേതാക്കളായ ഇ അശോകൻ,രാജേഷ് കീഴരിയൂർ,കെ.പി വേണുഗോപാൽ,എം.എം അഷറഫ്,കെ.എം.എ അസീസ്,പെരുമ്പട്ടാട്ട് അശോകൻ,സി.പി നാരായണൻ,കുന്നുമ്മൽ അബ്ദുൽറസാഖ്,ടി.എ സലാം,ആന്തേരി ഗോപാലകൃഷ്ണൻ,ചുക്കോത്ത് ബാലൻ നായർ,കീഴ്പോട്ട് പി മൊയ്തി,കെ.പി മൊയ്തി,ഇ.കെ മുഹമ്മദ് ബഷീർ,സി.എം ബാബു,മേപ്പയൂരിലെയും,കീഴരിയൂരിലെയും ഗ്രാമപഞ്ചായത്ത് മെമ്പർമാരായ ശ്രീനിലയം വിജയൻ,സറീന ഒളോറ,റാബിയ എടത്തിക്കണ്ടി,കെ.സി രാജൻ,ഇ.എം മനോജ്,സവിത നിരത്തിന്റെ മീത്തൽ,ജലജ കുറുമയിൽ മറ്റു യു.ഡി.എഫ് നേതാക്കളായ ഇല്ലത്ത് അബ്ദുറഹിമാൻ,കീഴ്പോട്ട് അമ്മത്,മുജീബ് കോമത്ത്,ഐ.ടി അബ്ദുൽ സലാം,ഒ.കെ കുമാരൻ,ഷർമിന കോമത്ത്,എം പ്രസന്നകുമാരി,അൻവർ കുന്നങ്ങാത്ത്,എം.കെ ഫസലുറഹ്മാൻ,എടയിലാട്ട് ഉണ്ണികൃഷ്ണൻ,കെ.എം ശ്യാമള,റിൻജുരാജ് എടവന എന്നിവർ നേതൃത്വം നൽകി.
ഫോട്ടോ: മേപ്പയൂർ-നെല്ലാടി-കൊല്ലം റോഡ് ഉടൻ നവീകരിക്കണമെന്നാവശ്യപ്പെട്ട് മേപ്പയൂർ,കീഴരിയൂർ പഞ്ചായത്ത് യു.ഡി.എഫ് സമരസമിതി നടത്തിയ ടി.പി രാമകൃഷ്ണൻ എം.എൽ.എ യുടെ ഓഫീസ് മാർച്ച് ഡി.സി.സി പ്രസിഡന്റ് അഡ്വ:കെ പ്രവീൺകുമാർ ഉദ്ഘാടനം ചെയ്യുന്നു.
