വലിയാണ്ടി അമ്മത് റുക്സാനയുടെ മകളായ ആഫിയുടെയും തിരുവളളൂർ തായമ്പത്ത് അസീസ് ഖദീജയുടെയും മകനായ ഹാനീഫുമായുള്ള വിവാഹ വേദിയിൽ വയനാട് യത്തീം ഖാനയിലുളള കുട്ടിയും ഏറണാകുളം സ്വദേശി ഇർഫാനുമായുള്ള നിക്കാഹും നടത്തി. വലിയാണ്ടി അമ്മത്ഹാജിയാണ് ഇത്തരമൊരു സത്പ്രവർത്തി നടത്തിയത്. ചടങ്ങിന് പാണക്കാട് ബഷീർ അലിതങ്ങൾ നേതൃത്വം കൊടുത്തു.
അമ്മത്ഹാജി മണിയൂർ കനിവ് ചാരിറ്റി ട്രസറ്റിന് സ്വന്തം വീടും സ്ഥലവും മുമ്പ് സൗജന്യമായി നൽകിയതിരുന്നു. കൂടാതെ നിരവധി ചാരിറ്റി പ്രവർത്തനങ്ങൾ അദ്ദേഹം നടത്തിയിട്ടുണ്ട്. നിലവിൽ മന്തരത്തൂർ പള്ളി മഹല്ല് പ്രസിഡണ്ടും ബഹറൈൻ ബിസനസ്സുകാരനുമാണ്.
