കൊയിലാണ്ടി ഉപജില്ല കായികമേള ഫുട്ബോൾ മത്സരത്തിൽ സബ്ജൂനിയർ ജൂനിയർ, സീനിയർ ആൺ കുട്ടികളിൽ ചാമ്പ്യൻമാരായി. ജിവിഎച്ച്എസ് അത്തോളി ശതം സഫലം ശതാബ്ദി ആഘോഷിക്കുന്ന അത്തോളി ഗവ. വൊക്കേഷണൽ ഹയർ സെക്കൻഡറി സ്കൂളിൽ ഈ വർഷം യുപി വിഭാഗത്തിൽ ബാലൻമാസ്റ്റർ മെമ്മോറിയൽ സബ്ജില്ലാതല സ്കൂൾ ടൂർണമെൻറ് നടത്തുകയും തുടർന്ന് അവധിക്കാലത്ത് കുട്ടികൾക്ക് ഫുട്ബോൾ സമ്മർ വെക്കേഷൻ ക്യാമ്പ് നടത്തുകയും ചെയ്തു.
സ്കൂളിൽ സ്ഥിരം കായിക അധ്യാപകന്റെ അഭാവത്തിലും പ്രത്യേക കോച്ചുകളെ ഉപയോഗിച്ച് ആവശ്യമായ പരിശീലനങ്ങൾ നൽകിവരുന്നു. പിടിഎയുടെ നേതൃത്വത്തിൽ ആവശ്യമായ ജേഴ്സികൾ സംഘടിപ്പിച്ചും പരിശീലനത്തിന് വേണ്ട സൗകര്യങ്ങൾ ഏർപ്പെടുത്തിയും സ്കൂളിലെ ഫുട്ബോളിന്റെ വളർച്ചയ്ക്ക് സ്കൂൾ സ്പോർട്സ് അക്കാദമിയുടെ നേതൃത്വത്തിൽ ആവശ്യമായ സഹായങ്ങൾ നല്കി വരുന്നു. സ്കൂൾ കായിക അധ്യാപകൻ അരുൺ യു.കെ. കോച്ചുമാരായ ഷാജി, ആദർശ് എന്നിവരാണ് കായിക ടീമിന് പരിശീലനവും നേതൃത്വവും നല്കുന്നത്.
