കൊയിലാണ്ടി ഇഎംഎസ് സ്മാരക ടൗൺ ഹാളിലെ മിനി ഓഡിറ്റോറിയത്തിൽ പ്രൗഡഗംഭീര സദസ്സിൽ ഷൈമ. പി. വി യുടെ രണ്ടാമത്തെ കവിതാ സമാഹാരമായ ” ചില അനുസരണക്കേടുകൾ ” പ്രകാശനം ചെയ്തു.
പന്തലായനി ഗവണ്മെന്റ് ഹയർ സെക്കന്ററി സ്കൂളിലെ സംഗീത അദ്ധ്യാപിക ആയ ശ്രീമതി ദീപ്ന അരവിന്ദിന്റെ നാന്ദി ഗീതത്തോടു കൂടി കാര്യപരിപാടികൾ ആരംഭിച്ചു.
വയനാടിലെ ഉരുൾപൊട്ടലിൽ ജീവൻ നഷ്ടപെട്ട സഹോദരങ്ങൾക്കു വേണ്ടിയും ഒരു കാലത്ത് ഗാനമേളകളിൽ കൊയിലാണ്ടി യുടെ നിറസാന്നിധ്യമായിരുന്ന അന്തരിച്ച ഗായകൻ ശ്രീ മണക്കാട് രാജേട്ടന് വേണ്ടിയും ആദരാഞ്ജലികൾ അർപ്പിച്ചു കൊണ്ട് ഒരു മിനുട്ട് മൗനം ആചരിച്ചു കൊണ്ട് പരിപാടികൾ ആരംഭിച്ചു.
അധ്യാപികയും കവയത്രിയുമായ ശ്രീമതി ബിന്ദു പ്രദീപ് അധ്യക്ഷ സ്ഥാനം അലങ്കരിച്ച ചടങ്ങിൽ സീരിയൽനടനും സിനിമാനടനുമായ ശ്രീ സജീദ് പുത്തലത്ത് മുഖ്യ അതിഥിയായി പങ്കെടുത്തു.
സംസ്ഥാന ചലച്ചിത്ര അക്കാദമി റീജണൽ കോഡിനേറ്ററും കവയത്രിയുമായ ശ്രീമതി നവീന വിജയൻ, അധ്യാപകനും മജീഷ്യ നുമായ ശ്രീ ശ്രീജിത്ത് വിയ്യൂർ ന് പുസ്തകം നൽകിക്കൊണ്ട് പ്രകാശന കർമ്മം നിർവഹിച്ചു. അധ്യാപകനും നോവലിസ്റ്റും ആയ ശ്രീ ഭാസ്കരൻ മുച്ചുകുന്ന് പുസ്തക പരിചയം നടത്തി.
എഴുത്തുകാരനും ചിത്രകാരനുമായ ശ്രീ അനിൽ കാഞ്ഞിലശ്ശേരി, മാധ്യമപ്രവർത്തകനും കവിയുമായ ശ്രീ ശിവൻ തെറ്റത്ത്, പ്രിൻസിപ്പലും നോവലിസ്റ്റും ആയ ശ്രീ ബിജേഷ് ഉപ്പാലക്കൽ, കവിയായ ബിനേഷ് ചേമഞ്ചേരി, അധ്യാപകനും എഴുത്തുകാരനുമായ ശ്രീ ദിൽജിത്ത് മണിയൂർ, അധ്യാപികയും എഴുത്തുകാരിയമായ ശ്രീമതി ദീപ്തി റിലേഷ്, ശ്രീ സാബു കിഴരിയൂർ എന്നിവർ ആശംസകൾ അറിയിച്ചു സംസാരിച്ചു.
കവയത്രി ശ്രീമതി ഷൈമ പിവി മറുമൊഴി നടത്തി.
നാടക രചയിതാവും നാടക സംവിധായകനുമായ ശ്രീ അശോക് അക്ഷയ ചടങ്ങിൽ അവതാരകൻ ആയി.
മാധ്യമപ്രവർത്തകയും നൃത്ത അധ്യാപികയുമായ ശ്രീമതി സുനന്ദ ഗംഗൻ സ്വാഗതം പറഞ്ഞ ചടങ്ങിൽ അധ്യാപിക സൈച ഉണ്ണികൃഷ്ണൻ നന്ദിയും പറഞ്ഞു.
