മൂടാടി വീമംഗലം യുപി സ്കൂളിൽ വിദ്യാർത്ഥികൾക്കായി വൈദ്യുതി സുരക്ഷാ ക്ലാസ് സംഘടിപ്പിച്ചു. ഇലക്ട്രിക്കൽ സൂപ്പർവൈസർ& വയർമാൻസ് അസോസിയേഷൻ സംസ്ഥാന ജനറൽ സെക്രട്ടറി ഗിരീഷ് കുഞ്ഞുമോൻ ക്ലാസിന് മേൽനോട്ടം നൽകി. കേരളത്തിൽ ആദ്യമായാണ് വിദ്യാർത്ഥികൾക്കായി ഇങ്ങനെയൊരു ക്ലാസ് സംഘടിപ്പിക്കുന്നത് എന്ന് അദ്ദേഹം പറഞ്ഞു. വൈദ്യുതി അപകടങ്ങൾ ഉണ്ടാകാതിരിക്കാൻ എന്തൊക്കെ മുൻകരുതലുകൾ എടുക്കണം, അപകടങ്ങൾ ഉണ്ടാകുമ്പോൾ വളരെ പെട്ടെന്ന് ചെയ്യേണ്ട സുരക്ഷാ മാർഗ്ഗങ്ങൾ എന്തെല്ലാം, എന്നിവയെ കുറിച്ചായിരുന്നു ക്ലാസ്. പ്രധാനധ്യാപിക ശ്രീമതി ശ്രീകല. കെ സ്വാഗതം പറഞ്ഞ ചടങ്ങിൽ പിടിഎ പ്രസിഡണ്ട് ശ്രീമതി ബുഷറ അധ്യക്ഷ സ്ഥാനം അലങ്കരിച്ചു. വയർമാൻ സൂപ്പർവൈസർ ശ്രീ.രഞ്ജിത്ത് പി കെ പദ്ധതി വിശദീകരണം നടത്തി. ചടങ്ങിൽ എസ് ആർ ജി കൺവീനർ ശ്രീ.എസ് അരവിന്ദ് നന്ദി പറഞ്ഞു.
