ഹരിമുരളി ബാലഗോകുലം ഊരള്ളൂർ ശ്രീകൃഷ്ണ ജയന്തിയോടനുബന്ധിച്ച് ‘കൃഷ്ണായനം 2024’ നടത്തി. തുടർന്ന് നടത്തിയ സാംസ്കാരിക സമ്മേളനവും അനുമോദന സദസ്സും തപസ്യ കലാസാഹിത്യ വേദിയുടെ മുൻ സംസ്ഥാന ജനറൽസെക്രട്ടറി എം. ശ്രീഹർഷൻ മാസ്റ്റർ കൃഷ്ണവിഗ്രഹത്തിൽ മാല ചാർത്തികൊണ്ട് ഉദ്ഘാടനം ചെയ്തു.
സ്വാഗതസംഘം ചെയർമാൻ ശ്രീ ടി.പി രഞ്ജിത്ത് അധ്യക്ഷത വഹിച്ച ചടങ്ങിൽ റിട്ട.ക്യാപ്റ്റൻ വിനായകൻ പയ്യോളി, കവിയും ഗ്രന്ഥകാരനുമായ രവീന്ദ്രൻ മേപ്പയൂരും ആശംസകൾ അറിയിച്ചു സംസാരിച്ചു. വിവിധ മത്സരങ്ങളിൽ വിജയികളായ വിദ്യാർത്ഥികളെ പരിപാടിയിൽ അനുമോദിക്കുകയും കഴിഞ്ഞ 54 വർഷമായി ഗോ പരിപാലനം നടത്തി വരുന്ന കുറുങ്ങോളി മീത്തൽ കല്യാണിയമ്മയെ ആദരിക്കുകയും ചെയ്തു. സ്വാഗതസംഘം കൺവീനർ രൂപേഷ് മാസ്റ്റർ സ്വാഗതവും എം.കെ. രാഗീഷ് നന്ദിയും പറഞ്ഞു.
