സംസ്ഥാനത്ത് വ്യാപക മഴയ്ക്കുള്ള സാധ്യത തുടരുന്നു. ഒറ്റപ്പെട്ടയിടങ്ങളില് അതിശക്തമായ മഴയ്ക്ക് സാധ്യതയുണ്ടെന്ന് മുന്നറിയിപ്പ്. 11 ജില്ലകളിലാണ് ഇന്ന് മഴ മുന്നറിയിപ്പുള്ളത്. കോഴിക്കോട്, വയനാട് ജില്ലകളില് ഓറഞ്ച് അലര്ട്ടാണ് പ്രഖ്യാപിച്ചിരിക്കുന്നത്. തിരുവനന്തപുരം, കൊല്ലം, ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂര്, പാലക്കാട്, മലപ്പുറം, കണ്ണൂര് എന്നീ ജില്ലകളില് യെല്ലോ അലര്ട്ടാണ്.
തുടര്ച്ചയായി മഴ ലഭിക്കുന്ന മലയോരമേഖലകളില് പ്രത്യേക ജാഗ്രത വേണമെന്നാണ് നിര്ദേശം. കേരള തീരത്ത് കടലാക്രമണ സാധ്യതയുള്ളതിനാല് കേരള, ലക്ഷദ്വീപ് തീരത്ത് മത്സ്യബന്ധനത്തിന് വിലക്കുണ്ട്.
