നാനാത്വത്തിൽ ഏകത്വമാണ് ഭാരതത്തിൻ്റെ ശക്തി : വി .ബി.രാജേഷ്

മേപ്പയൂർ : ഭാരതത്തെ ഇന്നും ജനാധിപത്യ രാജ്യമായി നിലനിൽക്കാൻ സഹായിക്കുന്നത് കോൺഗ്രസിൻ്റെ ദീർഘദർശനമാണെന്നും നാനാത്വത്തിൽ ഏകത്വമാണ് ഭാരതത്തിൻ്റെ ശക്തി എന്നും ഡി.സി.സി നിർവ്വാഹക സമിതി അംഗം വി.ബി. രാജേഷ് അഭിപ്രായപ്പെട്ടു. നിടുമ്പൊയിൽ പ്രിയദർശിനി കലാവേദി സംഘടിപ്പിച്ച സ്വാതന്ത്ര്യ ദിനാഘോഷം ഉത്ഘാടനം ചെയ്യുകയായിരുന്നു അദ്ദേഹം . കലാവേദി പ്രസിഡൻ്റ് വിപിൻ എം.പി അധ്യക്ഷം വഹിച്ചു. എ.വാസു, പി. സജീവൻ, സി.എം സുരേഷ് ബാബു, ചാനത്ത് മനോജ്, ശരത് കിഷോർ എൻ കെ . രേഷ്മ എം അശ്വന്ത് എസ് എസ്, ശ്യാം മോഹൻ എന്നിവർ സംസാരിച്ചു.