മേപ്പയ്യൂർ : റോഡിലെ കുണ്ടിലും കുഴിയിലും വീണ് യാത്രികർക്ക് അപകടം സംഭവിക്കുന്നത് നിത്യ സംഭവമായ
മേപ്പയ്യൂർ – നെല്യാടി -കൊല്ലം റോഡ് സഞ്ചാരയോഗ്യമാക്കണമെന്നാവശ്യെപെട്ട് രാഷ്ട്രീയ ജനതാദൾ പ്രവർത്തകർ പൊതുമരാമത്ത് വകുപ്പ് ഓഫീസിനു മുന്നിൽ സമരം നടത്തി. ആർ.ജെ.ഡി. മേപ്പയ്യൂർ പഞ്ചായത്ത് കമ്മിറ്റിയുടെ നേതൃത്വത്തിൽ കൊയിലാണ്ടി അസി. എക്സിക്യുട്ടീവ്
എഞ്ചിനിയർ ഓഫീസിന് മുന്നിലാണ് ധർണ നടത്തിയത്.
സംസ്ഥാന സെക്രട്ടറി കെ. ലോഹ്യ ഉദ് ഘാടനം ചെയ്തു. ഒന്നാം പിണറായി സർക്കാരിൻ്റെ ആദ്യ ബഡ്ജറ്റിലാണ് റോഡ് നവീകരണത്തിന് ഫണ്ട് അനുവദിച്ചത്. എന്നാൽ ഏഴ് വർഷം കഴിഞ്ഞിട്ടും പണി ആരംഭിച്ചിട്ടില്ലെന്ന് ലോഹ്യ കുറ്റപ്പെടുത്തി.
പഞ്ചായത്ത് കമ്മിറ്റി പ്രസിഡൻ്റ് നിഷാദ് പൊന്നങ്കണ്ടി അദ്ധ്യക്ഷനായി. ജില്ലാ സെക്രട്ടറി ഭാസ്കരൻ കൊഴുക്കല്ലൂർ, ജില്ലാ കമ്മിറ്റി അംഗം സുനിൽ ഓടയിൽ, ബ്ളോക്ക് പഞ്ചായത്തംഗം കെ.കെ. നിഷിത, പി. ബാലൻ, കെ.എം. ബാലൻ, പി. ബാലകൃഷ്ണൻ കിടാവ്, വി.പി. ദാനീഷ്, മിനി അശോകൻ, സുരേഷ് ഓടയിൽ, ബി.ടി. സുധീഷ് കുമാർ എന്നിവർ സംസാരിച്ചു.
സമരത്തിന് പ്രിയ പുത്തലത്ത്, ജസ്‌ല കൊമ്മിലേരി, കെ. ചെക്കോട്ടി, കെ. മുരളിധരൻ, ബാബു മമ്മിളി, വി.പി. ചെറിയാത്തൻ, പി.ടി. രാംജിത്, പി.കെ. ശങ്കരൻ എന്നിവർ നേതൃത്വം നൽകി.
