ആൾ കേരള ഫോട്ടോഗ്രാഫേഴ്സ് അസോസിയേഷൻ കോഴിക്കോട് ജില്ലാ കമ്മിറ്റിയുടെ കീഴിൽ നടന്ന സ്കിൽ ഷെയറിങ് ക്ലാസ് ചേമ്പർ ഭവൻ അശോകപുരം വച്ച് നടന്നു. ജില്ലാ ജോ. സെക്രട്ടറി ശ്രീ. കെ. പുഷ്കരന്റെ പ്രാർത്ഥനയോടെ ക്ലാസ് ആരംഭിച്ചു. ജില്ലാ പ്രസിഡന്റ് ശ്രീ.ജയൻ രാഗത്തിന്റെ അധ്യക്ഷതയിൽ ജില്ലാ സെക്രട്ടറി ശ്രീ.ജിതിൻ വളയനാട് സ്വാഗതം പറഞ്ഞു. മലയാള മനോരമ മുൻ ചീഫ് ഫോട്ടോഗ്രാഫർ ശ്രീ. മുസ്തഫ.പി ക്ലാസിന്റെ ഉദ്ഘാടനം നിർവഹിച്ചു. ആശംസകൾ അർപ്പിച്ചുകൊണ്ട് സംസ്ഥാന കമ്മിറ്റി ശ്രീ.വിനോദ് ദർശൻ സംസാരിച്ചു. Pro Photo Mentor ശ്രീ. വത്സൻ മേലെപാട്ട്, Godox Mentor ശ്രീ. അസീം കോമാച്ചി, Moza Mentor ശ്രീ. സജീഷ് സജി എന്നിവർ ക്ലാസ്സ് നയിച്ചു. ക്ലാസ്സ് കോർഡിനേറ്ററും സംസ്ഥാന കമ്മിറ്റി അംഗവുമായ ശ്രീ. ബോബൻ സൂര്യ നന്ദി രേഖപ്പെടുത്തിയ ക്ലാസ്സിൽ 131 മെമ്പർമാർ പങ്കെടുത്തു.
