എയര് ഇന്ത്യ എക്സ്പ്രസ് നേരിട്ടുള്ള ആറ് വിമാന സര്വിസുകള് ആരംഭിച്ചു. തിരുവനന്തപുരം-ചെന്നൈ, ചെന്നൈ- ഭുവനേശ്വര്, ചെന്നൈ-ബാഗ്ഡോഗ്ര, കൊല്ക്കത്ത- വാരാണസി, കൊല്ക്കത്ത-ഗുവാഹതി, ഗുവാഹതി- ജയ്പൂര് റൂട്ടുകളിലാണ് പുതിയ സര്വിസുകള്.
തിരുവനന്തപുരം-ചെന്നൈ റൂട്ടില് ആഴ്ച തോറുമുണ്ടായിരുന്ന സര്വിസുകളുടെ എണ്ണം രണ്ടില് നിന്ന് ഒമ്പതായും വര്ധിപ്പിച്ചിട്ടുണ്ട്. ദിവസവും വൈകീട്ട് 6.50ന് ചെന്നൈയില്നിന്ന് പുറപ്പെട്ട് 8.20ന് തിരുവനന്തപുരത്തും തിരികെ രാത്രി 8.50ന് പുറപ്പെട്ട് 10.20ന് ചെന്നൈയിലും എത്തുന്ന തരത്തിലാണ് സര്വിസ് ക്രമീകരിച്ചിട്ടുള്ളത്.
ആഭ്യന്തര-അന്താരാഷ്ട്ര വിമാനത്താവളങ്ങളിലേക്കായി 12 നേരിട്ടുള്ള സര്വിസുകളും 23 വണ്സ്റ്റോപ് സര്വിസുകളും ഉള്പ്പെടെ ആഴ്ചതോറും ആകെ 73 വിമാന സര്വിസുകളാണ് തിരുവനന്തപുരത്തുനിന്ന് എയര്ഇന്ത്യ എക്സ്പ്രസിനുള്ളത്.
