അരിക്കുളം:ആരോഗ്യ മേഖലയിലെ മികച്ച പ്രവർത്തനം നടത്തിയതിന് തദ്ദേശസ്വയംഭരണ സ്ഥാപനങ്ങൾക്കുള്ള ആർദ്ര കേരള പുരസ്കാരം രണ്ടാം തവണയും അരിക്കുളം ഗ്രാമപഞ്ചായത്ത് കുടുംബാരോഗ്യ കേന്ദ്രത്തിന് ലഭിച്ചു. ജില്ലയിൽ മൂന്നാം സ്ഥാനമാണ് അരിക്കുളത്തിന്. ആരോഗ്യ മേഖലയിൽ തദ്ദേശസ്വയംഭരണ സ്ഥാപനം ചെലവഴിച്ച തുക ,സ്വാന്തന പരിചരണ പരിപാടികൾ, കായകല്പം ആരോഗ്യ മേഖലയുമായി ബന്ധപ്പെട്ട മറ്റു പ്രവർത്തനങ്ങൾ എന്നിവ വിലയിരുത്തിയാണ് പുരസ്കാരം .
കായകല്പം മൂന്നാം സ്ഥാനം കുടുംബാരോഗ്യകേന്ദ്രത്തിൻ്റെ കാരയാട് സബ് സെൻറർ ലഭിച്ചു. ജില്ലയിൽ 300 സബ് സെൻററിൽ നടത്തിയ പരിശോധനയിലാണ് അരിക്കുളത്തെ തെരഞ്ഞെടുത്തത്
പുരസ്കാരം നേടുന്നതിന് വേണ്ടി പ്രവർത്തിച്ച ആരോഗ്യ പ്രവർത്തകരെയും ജനപ്രതികളെയും ഉദ്യോഗസ്ഥന്മാരെയും ഗ്രാമപഞ്ചായത്ത് പ്രസിഡന്റ് എ.എം.സുഗതൻ അഭിനന്ദിച്ചു.
