ദേശീയ കർഷക തൊഴിലാളി ഫെഡറേഷൻ (ഡി കെ ടി എഫ് ) കോഴിക്കോട് ജില്ലാ പ്രസിഡണ്ട് മനോജ് പാലങ്ങാടിന് അരിക്കുളം മണ്ഡലം കമ്മിറ്റി സ്വീകരണം നൽകി. മണ്ഡലം പ്രസിഡണ്ട് റിയാസ് ഊട്ടേരി അധ്യക്ഷത വഹിച്ചു. ഡി കെ ടി എഫ് കോഴിക്കോട് ജില്ലാ പ്രസിഡണ്ട് മനോജ് പാലങ്ങാട് യോഗം ഉദ്ഘാടനം ചെയ്തു. കർഷക തൊഴിലാളികൾക്ക് കിട്ടേണ്ട ആനുകൂല്യങ്ങൾ കൃത്യ സമയത്ത് നൽകുന്നില്ലെന്ന് അദ്ദേഹം ആരോപിച്ചു . കർഷക തൊഴിലാളിക്ക് 60 വയസ്സ് പൂർത്തിയായി കഴിഞ്ഞാൽ യാതൊരു മാനദണ്ഡങ്ങളും ഇല്ലാതെ പെൻഷൻ അനുവദിക്കണമെന്ന് അദ്ദേഹം സർക്കാരിനോട് അഭ്യർത്ഥിച്ചു.
മേപ്പയൂർ ബ്ലോക്ക് കോൺഗ്രസ് സെക്രട്ടറിമാരായ ശ്രീധരൻ കണ്ണമ്പത്ത്, ശ്രീകുമാർ മുൻവാർഡ് മെമ്പർ ലതാ പൊറ്റയിൽ, മഹിളാ കോൺഗ്രസ്സ് പ്രസിഡന്റ് രാധ ടീച്ചർ, ഐൻ ടി യു സി അരിക്കുളം മണ്ഡലംപ്രസിഡന്റ് മുഹമ്മദ് എടചേരി, സീനിയർ കോൺഗ്രസ്സ് നേതാവ് എസ്. മുരളീധരൻ, ബൂത്ത് പ്രസിഡന്റ് കോയക്കുട്ടി, മഹിളാ കോൺഗ്രസ്സ് ബൂത്ത് പ്രസിഡന്റ് സൗദ കുറ്റിക്കണ്ടി എന്നിവർ സംസാരിച്ചു. ടി കെ ടി എഫ് മണ്ഡലം സെക്രട്ടറി ചിത്തിര രാമചന്ദ്രൻ സ്വാഗതം പറഞ്ഞ യോഗത്തിന് മുസ്തഫ തറമ്മലങ്ങാടി നന്ദി പറഞ്ഞു.
