സര്ക്കാര് ജീവനക്കാര് വയനാട് ദുരിതബാധിതർക്കായി അഞ്ച് ദിവസത്തെ ശമ്പളം നല്കാമെന്ന് സംഘടനകള് മുഖ്യമന്ത്രി പിണറായി വിജയനെ അറിയിച്ചു. തവണകളായി നല്കാനുള്ള സൗകര്യം വേണമെന്നും നിര്ബന്ധിതമാക്കരുതെന്നും ആവശ്യപ്പെട്ടിട്ടുണ്ട്. ഇക്കാര്യം സര്ക്കാരിന്റെ പരിഗണനയിലാണ്.
ദുരിതബാധിതരെ സഹായിക്കുന്നതുമായി ബന്ധപ്പെട്ട് സംഘടനാ നേതാക്കളെ മുഖ്യമന്ത്രി ചര്ച്ചയ്ക്കായി ക്ഷണിക്കുകയായിരുന്നു. ‘സാലറി ചാലഞ്ച്’ എന്ന പ്രയോഗമുണ്ടായില്ല. മാസം ഒരു ദിവസത്തെ ശമ്പളമെന്ന നിലയ്ക്ക് അഞ്ച് തവണകളായി നല്കാന് താല്പര്യപ്പെടുന്നവര്ക്ക് അതിനുള്ള അവസരം നല്കണമെന്ന് സംഘടനകള് ആവശ്യപ്പെട്ടു. ഒറ്റത്തവണയായി നല്കാനോ അഞ്ചിലേറെ ദിവസത്തെ ശമ്പളം നല്കാനോ ആഗ്രഹിക്കുന്നവര്ക്ക് അതുമാകാമെന്നും സംഘടനകള് വ്യക്തമാക്കി.
