ഇന്ത്യയിലെ ആദ്യ വന്ദേ മെട്രോ: പരീക്ഷണ ഓട്ടം ഇന്ന്

August 3, 2024

ഇന്ത്യയിലെ ആദ്യത്തെ വന്ദേ മെട്രോ പുറത്തിറങ്ങി. ആദ്യ പരീക്ഷണ ഓട്ടം ഇന്ന് രാവിലെ നടക്കും. ചെന്നൈ ഇന്റഗ്രൽ കോച്ച് ഫാക്ടറിയിൽനിന്നാണ് വന്ദേ മെട്രോ ഇറങ്ങുന്നത്. 12 കോച്ചുള്ള വന്ദേ മെട്രോ പുറത്തിറങ്ങുമ്പോൾ കേരളവും പ്രതീക്ഷയിലാണ്.

കേരളത്തിൽ എറണാകുളം-കോഴിക്കോട്, കോഴിക്കോട്-മംഗളൂരു, തിരുവനന്തപുരം-എറണാകുളം റൂട്ട് ഉൾപ്പെടെ 10 സർവീസുകളാണ് പരിഗണനയിലുള്ളത്. മെമു വണ്ടികളുടെ പരിഷ്കരിച്ച രൂപമാണ് വന്ദേ മെട്രോ. ശീതീകരിച്ചതാണ് കോച്ചുകൾ. ഒരു കോച്ചിൽ 100 പേർക്ക് ഇരിക്കാനും 200 പേർക്ക് നിൽക്കാനുമുള്ള സൗകര്യമുണ്ട്.