കൊയിലാണ്ടി: കൊയിലാണ്ടി താലൂക്ക് ആശുപത്രിക്ക് സമീപം സ്വകാര്യബസ്സ് ഇടിച്ച് ഇരുചക്ര വാഹന യാത്രക്കാരൻ മരിച്ചു. കൊയിലാണ്ടി വരക്കുന്നിൽ ഫാത്തിമാസിൽ താമസിക്കും കുരിയ സൻ്റവിട റഷീദ് (54 ) ആണ് മരിച്ചത് . രാത്രി എട്ടരയോടെയാണ് അപകടം നടന്നത്.
കോഴിക്കോട് വടകര റൂട്ടിലോടുന്ന ദീർഘദൂര ബസ്സാണ് ഇടിച്ചത്. ഇടിയുടെ ആഘാതത്തിൽ ഗുരുതരമായി പരിക്കേറ്റ റഷീദിനെ കൊയിലാണ്ടി താലൂക്ക് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. കൊയിലാണ്ടി പോലീസ് സ്ഥലത്തെത്തി ബസ് കസ്റ്റഡിയിലെടുത്തു . മൃതദേഹം കോഴിക്കോട് മെഡിക്കൽ കോളേജ് ആശുപത്രിയിലേക്ക് മാറ്റുമെന്ന് പോലീസ് അറിയിച്ചു . പിതാവ്: പരേതനായ മുഹമ്മദ് ഉമ്മ : മറിയക്കുട്ടി. ഭാര്യ: സുനീറ. മക്കൾ: ഫാത്തിമ, റുബീസ്
