വയനാട് മുണ്ടക്കൈ,ചൂരല്മല ഉരുള്പൊട്ടല് ദുരന്തത്തില് ജീവനോടെ ഇനി ആരുമില്ലെന്ന് സൈന്യം അറിയിച്ചെന്ന് മുഖ്യമന്ത്രി പിണറായി വിജയന്. ചാലിയാറില് തിരച്ചില് തുടരാന് തീരുമാനിച്ചു. ദുരിതാശ്വാസ ക്യാംപ് കുറച്ചുനാള് കൂടി തുടരും. നല്ല നിലയില് പുനരധിവാസം നടപ്പാക്കുമെന്നും മുഖ്യമന്ത്രി അറിയിച്ചു. മാധ്യമങ്ങള് ക്യാംപിനുള്ളില് പ്രവേശിക്കരുതെന്ന് നിര്ദേശിച്ചു. കുട്ടികളുടെ വിദ്യാഭ്യാസം തടസപ്പെടാതിരിക്കാന് നടപടിയെടുക്കും. കൗണ്സലിങ് നടത്താന് വിവിധ ഏജന്സികളെ ഉപയോഗിക്കും. പകര്ച്ചവ്യാധി തടയാന് എല്ലാവരും സഹകരിക്കണം. മൃതദേഹം തിരിച്ചറിയാന് ബന്ധുക്കള് മാത്രം പോകണമെന്നും മുഖ്യമന്ത്രി പറഞ്ഞു.
