കൊയിലാണ്ടി ടൗൺഹാളിൽ പ്രൗഢഗംഭീര സദസ്സിൽ വിഭീഷ് തിക്കോടിയുടെ “ഭൂപടത്തിൽ കാണാത്ത കടൽ “പുസ്തകം പ്രകാശനം ചെയ്തു.
പ്രകാശനകർമ്മത്തിനു മുന്നോടിയായി 20 പരം കവികൾ പങ്കെടുത്ത കവിയരങ് കവയത്രി ഷൈമ പി. വി. സ്വാഗതം പറഞ്ഞു കൊണ്ട് ആരംഭിച്ചു. ശ്രീ ബിജു കാവിൽ നയിച്ച കവിയരങ്ങ് കവി സത്യ ചന്ദ്രൻ പൊയിൽകാവ് ഉദ്ഘാടനം ചെയ്തു. ചടങ്ങിൽ എത്തിയ കവികൾ സ്വന്തം കവിതകൾ ആലപിച്ച് ചടങ്ങ് ശ്രദ്ധേയമാക്കി.
കുമാരി നയൻതാരയുടെ നാന്ദി ഗീതത്തോടെ സാംസ്കാരിക ചടങ്ങിനു തുടക്കം കുറിച്ചു. കവി ഡോക്ടർ സോമൻ കടലൂർ ആമുഖഭാഷണം നടത്തി. പ്രമുഖ നാടകകൃത്ത് ചന്ദ്രശേഖരൻ തിക്കോടി അധ്യക്ഷത വഹിച്ച ചടങ്ങിൽ കവയത്രി ശ്രീമതി ആര്യ ഗോപി വിഭീഷ് തിക്കോടിയുടെ അമ്മ സുമംഗലമ്മയ്ക്ക് പുസ്തകം നൽകിക്കൊണ്ട് പ്രകാശന കർമ്മം നിർവഹിച്ചു.
ആകാശവാണി മുൻ ഡയറക്ടറും ഭാഷാ സമന്വയവേദിയുടെ സെക്രട്ടറിയുമായ ഡോക്ടർ ഒ.വാസവൻ പുസ്തക പരിചയം നടത്തി. സാമൂഹ്യ സാഹിത്യ സാംസ്കാരിക രംഗത്തെ പ്രമുഖരായ ശ്രീ ബഷീർ തിക്കോടി, ശ്രീമതി രേഷ്മ അക്ഷരി,ശ്രീ മനു മാസ്റ്റർ, ശ്രീ സാബു കീഴരിയൂർ,ശ്രീ കുഞ്ഞബ്ദുള്ള,ശ്രീ സുധാകരൻ മാസ്റ്റർ, ശ്രീ സുധീഷ് ബാബു എന്നിവർ ആശംസ അർപ്പിച്ച് സംസാരിച്ചു.
ചടങ്ങിൽ പ്ലാവില ബുക്സിന്റെ സ്നേഹ ഉപഹാരം ഡോക്ടർ സോമൻ കടലൂർ വിബീഷ് തിക്കോടിക്ക് നൽകി. തുടർന്ന് വിഭീഷ് തിക്കോടി മറുമൊഴി നൽകി.
അധ്യാപിക ആർ. എസ്. ദിവ്യ അവതാരക ആയ ചടങ്ങിൽഅധ്യാപിക ശ്രീമതി സൈച്ച ഉണ്ണികൃഷ്ണൻ നന്ദിയും പറഞ്ഞു.
