കേരളാ സ്റ്റേറ്റ് സർവ്വീസ് പെൻഷനേഴ്സ് യൂണിയൻ ഇരിങ്ങൽ യൂനിറ്റ് കൺവെൻഷൻ സംഘടിപ്പിച്ചു. യൂനിറ്റ് വൈസ് പ്രസിഡണ്ട് യു.കെ സച്ചിദാനന്ദൻ്റെ അദ്ധ്യക്ഷതയിൽ ചേർന്ന കൺവെൻഷൻ , പയ്യോളി നഗരസഭാ ചെയർമാൻ വി.കെ. അബ്ദുറഹിമാൻ ഉദ്ഘാടനം ചെയ്തു. യൂനിറ്റ് സെക്രട്ടറി സി.കെ വിജയൻ സ്വാഗതവും യൂനിറ്റ് ജോയിൻ്റ് സെക്രട്ടറി പി.വി. ബാബു നന്ദിയും പറഞ്ഞു. സംഘടനാ റിപ്പോർട്ട് ബ്ലോക്ക് ജോയിൻ്റ് സെക്രട്ടറി ഇബ്രാഹിം തിക്കോടി അവതരിപ്പിച്ചു. ആശംസകൾ അർപ്പിച്ചു കൊണ്ട് കെ എസ് എസ് പി യു ബ്ലോക്ക് പ്രസിഡണ്ട് കെ. ശശിധരൻ,ബ്ലോക്ക് കമ്മിറ്റി അംഗം കെ.വി.രാജൻ, കെ. ധനഞ്ജയൻ എന്നിവർ സംസാരിച്ചു. കെ എസ് എസ് പി യു ജില്ലാ കമ്മിറ്റി അംഗം വി. പി. നാണു മാസ്റ്റർ കൈത്താങ്ങ് പദ്ധതി സഹായം വിതണവും, കെ എസ് എസ് പി യു ജില്ലാ കൗൺസിൽ അംഗം എം.ടി.നാണു മാസ്റ്റർ പുതിയ മെമ്പർമാരെ സ്വീകരിക്കുകയും ചെയ്തു. രണ്ടാമത് അക്ബർ കക്കട്ടിൽ ചെറുകഥാ മൽസരത്തിൽ രണ്ടാം സമ്മാനം നേടിയ യൂണിയൻ അംഗം ഗോപി നിടിയത്തിന് പയ്യോളി നഗരസഭാ ചെയർമാൻ വി.കെ. അബ്ദുറഹിമാൻ ഉപഹാരം നൽകി.
ദേശീയപാതയിൽ നിരന്തരം അനുഭവപ്പെടുന്ന ഗതാഗത കുരുക്ക് പരിഹരിക്കുവാൻ സർവ്വീസ് റോഡിൻ്റെ പണി പൂർത്തീകരിക്കുകയും, സർവ്വീസ് റോഡിലെ വെള്ളക്കെട്ട് ഒഴിവാക്കുവാൻ മഴ വെള്ളം ഉൾക്കൊണ്ട് ഒഴുകി പോകുന്ന തരത്തിൽ ശാസ്ത്രീയ രീതിയിൽ ഡ്രെയിനേജ് നിർമ്മിച്ച് ഗതാഗതയോഗ്യമാക്കണമെന്നും, പെൻഷൻ പരിഷ്ക്കരണ, ക്ഷാമാശ്വാസ കുടിശ്ശികകൾ ഉടനെ അനുവദിക്കണമെന്നും, ശമ്പള – പെൻഷൻ പരിഷ്ക്കരണ കമ്മീഷനെ നിയമിക്കണമെന്നും കേരളാ സ്റ്റേറ്റ് സർവ്വീസ് പെൻഷനേഴ്സ് യൂണിയൻ ഇരിങ്ങൽ യൂനിറ്റ് കൺവെൻഷൻ ആവശ്യപ്പെട്ടു.
