ഈ വർഷത്തെ കർക്കിടമാസ വാവ് ബലിതർപ്പണത്തിനായി കുട്ടാത്ത് ശ്രീ സത്യനാരായണ ക്ഷേത്രത്തിൽ ഒരുക്കങ്ങൾ പൂർത്തിയായി. 2024 ആഗസ്റ്റ് മാസം 3 ന് ശനിയാഴ്ച പുലർച്ചെ 2.00 മണി മുതൽ പ്രത്യേകം തയ്യാറാക്കിയ ക്ഷേത്രം മോക്ഷതീരത്ത് വെച്ച് പ്രമുഖ ആചാര്യൻ ശ്രീ സുഖലാലൻ നമ്പൂതിരിയുടെ മുഖ്യകാർമ്മികത്വത്തിൽ പിതൃബലിതർപ്പണം നടക്കും. ഭക്തജനങ്ങളുടെ സൌകര്യാർത്ഥം മോക്ഷംതീരം വിപുലീകരിച്ച് നവീകരണപ്രവർത്തി നടത്തി. പോലീസ്, ഫയർഫോഴ്സ്, മെഡിക്കൽ സഹായം, ആംബുലൻസ് എന്നീ സൌകര്യങ്ങൾ ഒരുക്കും.
വിശാലമായ വാഹന പാർക്കിങ്ങ് സൌകര്യങ്ങൾ ലഭ്യമാണ്. ക്ഷേത്രത്തിന് സമീപത്തു നിന്നും മോക്ഷതീരത്തേക്കുള്ള വഴികളിലൂടെയാണ് ബലിതർപ്പണ കൌണ്ടറിലേക്ക് ഭക്തജനങ്ങളെ കടത്തിവിടുക. ബലിതർപ്പണത്തിനു ശേഷം കുളിക്കുന്നതിനുള്ള സൌകര്യങ്ങളും ക്ഷേത്രം ഭാരവാഹികൾ ഏർപ്പാടു ചെയ്യുന്നതാണ്. കൂടാതെ പിതൃക്കൾക്കായി ചെയ്യുന്ന പ്രത്യേക വഴിപാടായ തിലഹോമം കഴിപ്പിക്കന്നതിനായി ക്ഷേത്ര സന്നിധിയിൽ പ്രത്യേകം സൌകര്യങ്ങൾ ഒരുക്കുന്നതാണ്.
