നടുവണ്ണൂർ ഗവൺമെൻറ് ഹയർ സെക്കൻഡറി സ്കൂളിലെ ബീസ്മാർട്ട് എഫ് ബാച്ച്, പത്താം ക്ലാസ് എഡ്യൂമിഷൻ ഇന്നൊവേഷൻ ക്ലബ്ബിൽ ഉൾപ്പെട്ട വിദ്യാർത്ഥികൾ കോഴിക്കോട് എൻ.ഐ.ടി.സി.യിലേക്ക് പഠനയാത്ര നടത്തി. നാഷണൽ ഇൻസ്റ്റിറ്റ്യൂട്ട് ഓഫ് സയൻസ് ആൻ്റ് ടെക്നോളജി കാലിക്കറ്റിൽ നടന്ന ഏകദിന ക്യാമ്പിൽ ഇലക്ട്രോൺ മൈക്രോസ്കോപ്പ്, മെക്കാനിക്കൽ എൻജിനീയറിങ് ലാബ്, സിവിൽ എൻജിനീയറിങ്ങി ഉപയോഗിക്കുന്ന നിരവധി ഉപകരണങ്ങൾ, മെറ്റീരിയൽ സയൻസിലെ നിരവധി സാധ്യതകൾ ഫിസിക്സ് ഡിപ്പാർട്ട്മെൻറ് കെമിസ്ട്രി ഡിപ്പാർട്ട്മെൻറ് എന്നിവ സന്ദർശിച്ചു.
കെമിസ്ട്രി വിഭാഗം അസിസ്റ്റൻറ് പ്രൊഫസർ Dr. സുജിത്ത് എൻഐടിസി പബ്ലിക് റിലേഷൻസ് ഓഫീസർ Dr. ശ്രീ, സിവിൽ എൻജിനീയർ Dr. ഷറഫലി, ബീ സ്മാർട്ട് കോർഡിനേറ്റർമാരായ ബൈജു.കെ, സുനിത.കെ, വിപിൻ ,ജ്യോതി എന്നിവർ ക്യാമ്പിന് നേതൃത്വം നൽകി പത്താം ക്ലാസ് വിദ്യാർത്ഥികൾക്ക് തുടർപഠന സാധ്യതകളെ കുറിച്ചും മനസ്സിലാക്കാനും ജോലിയെ കുറിച്ച് സ്വപ്നം കാണാനും സന്ദർശനം സഹായകരമാണ്. ചെറിയ ബാച്ചുകൾ ആയി തിരിച്ച് നിരവധി ടീച്ചേഴ്സിന്റെ ക്ലാസുകൾ ലാബിൽ വെച്ച് ലഭിച്ചു. ക്യാമ്പ് അനുഭവങ്ങൾ സ്കൂൾ റേഡിയോ സംപ്രേഷണത്തിലൂടെ സ്കൂളിലെ എല്ലാ വിദ്യാർത്ഥികളിലേക്കും തൽസമയം സംപ്രേഷണം ചെയ്തു.
