അത്തോളി : ഓണ പൂക്കളത്തിൽ മുൻ നിരയിലെ പൂവായ ചെണ്ടുമല്ലി അത്തോളിയുടെ മണ്ണിൽ വിരിയിക്കാൻ തയ്യാറെടുപ്പുകൾ തുടങ്ങി. പഞ്ചായത്തിലെ ആറാം വാർഡിലാണ് പരീക്ഷണാടിസ്ഥാനത്തിൽ ഓണ വിപണി ലക്ഷ്യമിട്ട് ചെണ്ടുമല്ലി പൂവിൻ്റെ വിത്ത് ഇറക്കിയത്. പദ്ധതി പഞ്ചായത്ത് വൈസ് പ്രസിഡന്റ് സി കെ റിജേഷ് ഉദ്ഘാടനം ചെയ്തു.
” കഴിഞ്ഞ തവണ ചെറുതായി ഒന്ന് തുടങ്ങി. പൂ അത്യാവശ്യം കിട്ടി . ഇത്തവണ വിപുലമായ രീതിയിലാണ് പൂ കൃഷി . വിജയിച്ചാൽ പദ്ധതി വ്യാപിക്കും , പൂ കൃഷി നമ്മുടെ നാട്ടിലും പറ്റും – സി കെ റിജേഷ് പറഞ്ഞു. വാർഡിലെ റീജ , ദേവി എന്നിവരുടെ നേതൃത്വത്തിലുള്ള രണ്ട് ബാച്ച് തൊഴിലുറപ്പ് തൊഴിലാളികളാണ് കൃഷിപ്പണി ചെയ്യുന്നത്. അത്തോളി പഞ്ചായത്ത് കൃഷി അസി. ഓഫീസർമാരായ ഷൺമുഖം , വിനു എന്നിവർ പാലക്കാട് അഗളി സ്വദേശികളാണ്.
ഇവരുടെ സഹകരണത്തോടെയാണ് കൃഷി രീതി നിർവ്വഹിക്കുന്നത്. പഞ്ചായത്ത് പ്രസിഡൻ്റ്, വൈസ് പ്രസിഡന്റ്, സ്ഥിരം സമിതി അധ്യക്ഷ എന്നിവർ കിലയുടെ പരിശീലനത്തിന് അഗളിയിൽ പോയിരുന്നു. ഇവിടെ സമീപത്തായാണ്
ഷൺമുഖം , വിനു എന്നിവരുടെ വീട് ,അതിന് അടുത്തായി പച്ചക്കറി കൃഷി, പൂകൃഷി എന്നിവ ശ്രദ്ധയിൽപ്പെട്ടു. ഇവിടെ നിന്നുള്ള ചർച്ചയിൽ നിന്നാണ് നാട്ടിൽ ഓണത്തിന് മുമ്പായി ചെണ്ട് മല്ലി കൃഷിയിറക്കൽ പദ്ധതി. തുടർന്ന് ഗ്രൂപ്പ് കൃഷി പദ്ധതിയ്ക്കായി പഞ്ചായത്ത് ഫണ്ട് വകയിരുത്തി . വാർഡ് ആറിൽ
അത്തോളി പറമ്പത്ത് പ്രദേശത്ത് 25 സെൻ്റ് സ്ഥലത്താണ് ചെണ്ടുമല്ലി കൃഷിയിറക്കിയത്. കൃഷി ഓഫീസർ സുവർണ്ണ ശ്യാമാണ് മേൽനോട്ടം.
ഓണത്തിന് ചെണ്ടുമല്ലി അന്വേഷിച്ച് പൂക്കടയിലേക്ക് പോകണ്ട , ഇവിടെ വന്നാൽ മതി.
