സമഗ്ര ശിക്ഷ കേരളം സ്റ്റാർസ് പദ്ധതി പ്രകാരം നൂതനങ്ങളായ വിദ്യാഭ്യാസ പരിപാടികൾ ഏറ്റെടുത്ത് നടപ്പിലാക്കുന്ന ഇന്നവേറ്റീവ് സ്കൂൾ പദ്ധതിയിൽ ബാലുശ്ശേരി ബി. ആർ. സി. തലത്തിൽ നടുവണ്ണൂർ ഗവ.ഹയർ സെക്കണ്ടറി സ്കൂൾ ഒന്നാമതെത്തി. നൂതനങ്ങളായ വിദ്യാഭ്യാസ പരിപാടികൾ ഏറ്റെടുത്ത് നടപ്പിലാക്കുന്ന വിദ്യാലയങ്ങളെ പ്രോത്സാഹിപ്പിക്കാൻ പൊതു വിദ്യാഭ്യാസ വകുപ്പ് ആവിഷ്കരിച്ച പദ്ധതിയാണ് ഇന്നവേറ്റീവ് സ്കൂൾ പദ്ധതി
നടുവണ്ണൂർ ഗവർമെൻറ് ഹയർ സെക്കൻഡറി സ്കൂളിന്റെ തനത് പ്രവർത്തനമായ ബി സ്മാർട്ട് എഡ്യൂമിഷൻ ഇന്നവേഷൻ ക്ലബ്ബിൻ്റെ ജീവിത നൈപുണി വികസന പദ്ധതിയിലൂടെയാണ് ഈ നേട്ടം കൈവരിച്ചത്.
ബാലുശ്ശേരി ബ്ലോക്ക് പ്രോഗ്രാം കോഡിനേറ്റർ മധുസൂദനൻ അധ്യക്ഷ വഹിച്ച ചടങ്ങ് കോഴിക്കോട് എസ്. എസ്. കെ. ജില്ലാ പ്രോഗ്രാം ഓഫീസർ സജീഷ് നാരായണൻ ഉദ്ഘാടനം ചെയ്തു. നടുവണ്ണൂർ ഗവൺമെൻറ് ഹയർ സെക്കൻഡറി സ്കൂൾ പി.ടി.എ. പ്രസിഡണ്ട് അഷറഫ് പുതിയപ്പുറം, പ്രിൻസിപ്പൽ ശ്യാമിനി, ഹെഡ്മാസ്റ്റർ എൻ. എം. മൂസകോയ, ബി സ്മാർട്ട് കോഡിനേറ്റർ കെ .ബൈജു, രക്ഷാകർത്താക്കളായ ആനന്ദൻ, പ്രദോഷ് വിദ്യാർത്ഥികളായ ഫത്താഹ് മുഹമ്മദ്, ആദിനാഥ് എന്നിവർ പ്രശസ്തി പത്രവും മൊമെന്റോയും ഏറ്റുവാങ്ങി.
