റോഡ് വികസനം പറഞ്ഞ് എം എൽ എ ടി.പി.രാമകൃഷ്ണൻ ജനങ്ങളെ വഞ്ചിച്ചു – കെ. പ്രവീൺ കുമാർ കീഴരിയൂർ. റോഡ് വികസനം
പറഞ്ഞ് എം എൽ എ ടി.പി.രാമകൃഷ്ണൻ ജനങ്ങളെ വഞ്ചിച്ചുവെന്നും ഇനിയും കത്തു കാട്ടി പറ്റിക്കാൻ അനുവദിക്കില്ലെന്നും ഡിസിസി പ്രസിഡൻ്റ് കെ. പ്രവീൺ കുമാർപറഞ്ഞു.
മേപ്പയൂർ കൊല്ലം റോഡ് ഗതാഗതം താറുമാറാക്കി ജനങ്ങളെ ആകെ ബുദ്ധിമുട്ടിക്കുന്നതിൽ പ്രതിഷേധിച്ച് യുഡിഎഫ് കീഴരിയൂർ മണ്ഡലം കമ്മിറ്റി സംഘടിപ്പിക്കുന്ന പ്രക്ഷോഭ സമരത്തിന് തുടക്കം കുറിച്ച് കീഴരിയൂർ സെൻ്റ്റിൽ നടന്ന സമര പ്രഖ്യാപന പ്രതിഷേധ സംഗമം ഉദ്ഘാട നം ചെയ്യുകയായിരുന്നു അദ്ദേഹം. ഒന്നാം പിണറായി സർക്കാറിന്റെ കാലത്ത് തുക വകയിരുത്തയ മേപ്പയൂർ- കൊല്ലം റോഡ് വികസനം വർഷങ്ങൾ കഴിഞ്ഞിട്ടും അനക്കമില്ല. ഇതിന് സർക്കാർ വലിയ വില നൽകേണ്ടി വരും. യുഡിഎഫ് പഞ്ചായത്ത് ചെയർമാൻ ടി.യു.സൈനുദ്ദീൻ അധ്യക്ഷത വഹിച്ചു.
മുസ് ലിംലീഗ് ജില്ലാ ജനറൽ സെക്രട്ടറി സി.പി.എ അസീസ്, ഡിസിസി ജനറൽ സെക്രട്ടറി രാജേഷ് കീഴരിയൂർ
ബ്ലോക്ക് കോൺഗ്രസ് പ്രസിഡൻ്റ് കെ.പി.രാമചന്ദ്രൻ, മണ്ഡലം കോൺഗ്രസ് പ്രസിഡൻറ് ഇടത്തിൽ ശിവൻ, രാജീവ് തോമസ്, കെ.എം.സുരേഷ് ബാബു, കെ.സി.രാജൻ, ചുക്കോത്ത് ബാലൻ നായർ, കുറ്റ്യായത്തിൽ ഗോപാലൻ, ഇ.രാമചന്ദ്രൻ, പാറക്കീൽ അശോകൻ എന്നിവർ പ്രസംഗിച്ചു. സമരത്തിൻ്റെ രണ്ടാം ഘട്ടമായി ജൂലൈ 4 ന് കൊയിലാണ്ടി പി.ഡബ്ല്യൂ ഡി ഓഫീസിനു മുമ്പിൽ UDF ധർണ്ണ സമരം നടത്തും.
