തിരുവനന്തപുരം: കെഎസ്ആര്ടിസി ഡ്രൈവിങ് സ്കൂൾ മുഖ്യമന്ത്രി ഉദ്ഘാടനം ചെയ്തു. . വീഡിയോ കോണ്ഫറന്സിലൂടെയായിരുന്നു ഡ്രൈവിങ് സ്കൂളിന്റെ ഉദ്ഘാടനം മുഖ്യമന്ത്രി നിര്വഹിച്ചത്. സ്വകാര്യ സ്ഥാപനങ്ങളില് നിന്ന് വ്യത്യസ്തമായി കുറഞ്ഞ നിരക്കില് പൊതുജനത്തിന് കെഎസ്ആര്ടിസി ഡ്രൈവിങ് സ്കൂളിലൂടെ ഡ്രൈവിങ് പഠിക്കാമെന്ന് മുഖ്യമന്ത്രി പിണറായി വിജയന് പറഞ്ഞു.
ആനയറ കെഎസ്ആര്ടിസി സ്വിഫ്റ്റ് ആസ്ഥാനത്ത് നടന്ന ചടങ്ങില് ഗതാഗത മന്ത്രി കെ ബി ഗണേഷ്കുമാര് അധ്യക്ഷത വഹിച്ചു. സ്വകാര്യ സ്ഥാപനങ്ങളേക്കാള് 40 ശതമാനംവരെയാണ് കെഎസ്ആര്ടിസിയില് ഇളവ്. കാര് ഡ്രൈവിങ് പഠിക്കാന് 9000 രൂപയാണ് ഫീസ്. ഇതേ നിരക്കാണ് ഹെവി ഡ്രൈവിങ് പരിശീലനത്തിനും. ഇരുചക്രവാഹനങ്ങള്ക്ക് 3500 രൂപ. ഗിയര് ഉള്ളതും ഇല്ലാത്തതുമായ ടുവീലറിന് ഒരേ നിരക്കാണ് ഈടാക്കുന്നത്. കാറും ഇരുചക്രവാഹനവും ചേര്ത്ത് 11,000 രൂപയ്ക്ക് പ്രത്യേക പാക്കേജുണ്ട്.
