ഉള്ളിയേരി : ഒള്ളൂർ ഗവ: യു.പി സ്കൂളിൽ വായനവാരാചാരണ സമാപനവും വിദ്യാരംഗം കലാസാഹിത്യ വേദിയുടെയും വിവിധ ക്ലബ്ബുകളുടെയും ഉദ്ഘാടനം വിക്റ്റേഴ്സ് ഫസ്റ്റ് ബെൽ ഫെയിം ശ്രീമതി എസ്. സന്ധ്യ നിർവ്വഹിച്ചു. ഹെഡ്മാസ്റ്റർ ഇ. പ്രകാശൻ സ്വാഗതം പറഞ്ഞ ചടങ്ങിന് പി ടി എ പ്രസിഡന്റ് ടി. കെ. ജസ്ന അധ്യക്ഷത വഹിച്ചു. എം പി ടി എ ചെയർപേഴ്സൺ സീനത്ത്, സീനിയർ അസിസ്റ്റന്റ് സി. കെ ബിജു , സ്റ്റാഫ് സെക്രട്ടറി എൻ .കെ ജയദാസൻ എന്നിവർ ആശംസ അർപ്പിച്ച് സംസാരിച്ചു. വിദ്യാരംഗം കൺവീനർ എം.ശ്രീകാന്ത് ചടങ്ങിന് നന്ദി രേഖപ്പെടുത്തി.വായനവാരചരണത്തോടനുബന്ധിച്ച് നടന്ന വിവിധ മത്സരങ്ങളിലെ വിജയികൾക്കുള്ള സമ്മാന വിതരണവും ചടങ്ങിൽ നടന്നു.
