അരിക്കുളം: അരിക്കുളം ഗ്രാമപഞ്ചായത്ത് ഇ.എം.എസ് സ്മാരക സെൻട്രൽ ലൈബ്രറിയുടെ ആഭിമുഖ്യത്തിൽ പി എൻ പണിക്കർ അനുസ്മരണവും വായനാ പക്ഷാചരണവും ഗ്രാമപഞ്ചായത്ത് പ്രസിഡണ്ട് എ എം സുഗതൻ മാസ്റ്റർ ഉദ്ഘാടനം ചെയ്തു. ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ എൻ വി നജീഷ് കുമാർ അധ്യക്ഷത വഹിച്ചു. വൈസ് പ്രസിഡണ്ട് കെ പി രജനി സ്റ്റാൻഡിങ് കമ്മിറ്റി ചെയർമാൻമാരായ എം പ്രകാശൻ , എൻ.എം ബിനിത, സെക്രട്ടറി കെ വി സുനിലകുമാരി, താലൂക്ക് ലൈബ്രറി കൗൺസിൽ അംഗം സി രവി മുൻ പ്രസിഡണ്ട് സി രാധ, ബാലകൃഷ്ണൻ, ജനപ്രതിനിധികൾ ഉദ്യോഗസ്ഥർ എന്നിവർ പങ്കെടുത്തു.
