കോഴിക്കോട് ജില്ലാ പഞ്ചായത്ത് നേതൃത്വത്തിൽ വായന ദിനാചരണം വിവിധ പരിപാടികളോടെ സംഘടിപ്പിച്ചു.പ്രസിഡൻ്റ് ഷീജ ശശി ഉദ്ഘാടനം ചെയ്തു. പൊതുമരാമത്ത് സ്റ്റാൻ്റിംഗ് കമ്മിറ്റി ചെയർമാൻ കെ വി റീന അധ്യക്ഷത വഹിച്ചു. രാജീവ് പെരുമൺപുറ മുഖ്യപ്രഭാഷണം നടത്തി. ജില്ലാ പഞ്ചായത്ത് അംഗങ്ങളായ എം പി ശിവാനന്ദൻ, യശോദ , ഷറഫുന്നീസ ടീച്ചർ,
എന്നിവർ സംസാരിച്ചു.
അംഗങ്ങൾക്കും ജീവനക്കാർക്കുമായി വായനദിന മത്സരങ്ങൾ ദിനാചരണത്തിൻ്റെ ഭാഗമായി സംഘടിപ്പിച്ചിരുന്നു. ജില്ലാപഞ്ചായത്ത് വൈസ് പ്രസിഡൻ്റ് പി ഗവാസ് വിജയികൾക്കുള്ള സമ്മാനങ്ങൾ വിതരണം ചെയ്തു. വായന മത്സരത്തിൽ ജില്ലാ പഞ്ചായത്ത് എഞ്ചിനിയറിംഗ് വിഭാഗത്തിലെ ലിംന എ ഒന്നാം സ്ഥാനവും ജില്ലാ പഞ്ചായത്ത് ഓഫീസ് ജീവനക്കാരി ധന്യരാജ് രണ്ടാം സ്ഥാനവും നേടി.
അസി. ഇൻഫർമേഷൻ ഓഫീസർ അമിയ എം, മാധ്യമ പ്രവർത്തകൻ പി വി ജിജോ എന്നിവർ വിധികർത്താക്കളായി. സെക്രട്ടറി ഇൻ ചാർജ് അബ്ദുൾ മുനീർ കുളത്തിൽ സ്വാഗതവും സ്റ്റാഫ് സെക്രട്ടറി ജയലക്ഷ്മി നന്ദിയും പറഞ്ഞു.
