കൊയിലാണ്ടി: ആതുര സേവന രംഗത്ത് ശ്രദ്ധേയനായ കൊയിലാണ്ടിയുടെ ജനകീയ ഡോക്ടർ കെ.വി.സതീശനെയും, ഗോവയിൽ വെച്ചു നടന്ന ദേശീയ മാസ്റ്റേഴ്സ് നീന്തൽ ചാമ്പ്യൻഷിപ്പിൽ സ്വർണ്ണ മെഡൽ നേടിയ കെ.നാരായണൻ നായരെയും എ.കെ.ജി സ്പോർട്സ് സെൻ്റർ കൊയിലാണ്ടിയുടെ നേതൃത്വത്തിൽ ആദരിച്ചു. എം.എൽ.എ കാനത്തിൽ ജമീല മൊമൻ്റോ കൈമാറി. മുൻ എം.എൽ.എ പി.വിശ്വൻ മാസ്റ്റർ മുഖ്യാതിഥിയായി.
ദീർഘകാലം കൊയിലാണ്ടി താലൂക്ക് ആശുപത്രിയിൽ സേവനം നടത്തിയ ഡോ. കെ.വി.സതീശൻ കഴിഞ്ഞ ദിവസമാണ് തലശ്ശേരി ഗവ.ആശുപത്രിയിൽ നിന്നും റിട്ടയർ ചെയ്തത്. ദേശീയ മാസ്റ്റേഴ്സ് നീന്തൽ ചാമ്പ്യൻഷിപ്പിൽ മെഡലുകൾ നേടിയ കെ.നാരായണൻ നായർ കൊയിലാണ്ടിയിലെയും പരിസര പ്രദേശങ്ങളിലെയും കുട്ടികളും മുതിർന്നവരുമായ നിരവധി പേരുടെ നീന്തൽ പരിശീലകൻ കൂടിയാണ്. എ.കെ.ജി സ്പോർട്സ് സെൻ്റർ പ്രസിഡണ്ട് അഡ്വ.എൽ.ജി.ലിജീഷ് സെക്രട്ടറി എ.പി.സുധീഷ്, ചേരിക്കുന്നുമ്മൽ മനോജ്, യു.കെ.ചന്ദ്രൻ, ടി.കെ.ജോഷി, രവീന്ദ്രൻ, കെ.ടി.വിനോദ് എന്നിവർ പങ്കെടുത്തു.
