വീടിനു മുകളിൽ മരം വീണ് വൃദ്ധ മരണപ്പെട്ടു. പെരുമണ്ണ വടക്കേപറമ്പ് ചിരുതകുട്ടി (85) ആണ് മരിച്ചത്. വീടിനു സമീപം മണ്ണുമാന്തി ഉപയോഗിച്ച് മണ്ണെടുത്തുകൊണ്ടിരിക്കുന്ന സമയം വലിയ പനമരം വീടിനു മുകളിലേക്ക് വീഴുകയായിരുന്നു. വീടിന് പുറത്തുനിൽക്കുകയായിരുന്ന ചിരുതകുട്ടിയമ്മയുടെ ശരീരത്തിലേക്ക് പനയുടെ അവശിഷ്ടങ്ങൾ പതിക്കുകയായിരുന്നു.
സമീപത്ത് ഉണ്ടായിരുന്ന മകൻ വിനോദിന്റെ അഞ്ചുവയസ്സുകാരിയായ മകൾ ആരാധനയ്ക്കും പരിക്കേറ്റിട്ടുണ്ട്. ഇവരുടെ പരുക്ക് ഗുരുതരമല്ല എന്നാണ് ലഭിച്ച വിവരം. വിവരമറിഞ്ഞ് പന്തീരങ്കാവ് പോലീസും താലൂക്ക് ദുരന്തനിവാരണ സേന ടി ഡിആർഎഫ് വളണ്ടിയർമാരും സ്ഥലത്തെത്തി. നാട്ടുകാരുടെയും അയൽവാസികളുടെയും അവസരോചിത രക്ഷാ പ്രവർത്തനത്തിൽ പരിക്കേറ്റ ചിരുത കുട്ടിയെയും ആരാധനയെയും ഉടൻതന്നെ കോഴിക്കോട് മെഡിക്കൽ കോളേജിലേക്ക് മാറ്റിയെങ്കിലും ചിരിതകുട്ടി മരിച്ചിരുന്നു. പരേതനായ ജോയിയുടെ ഭാര്യയാണ് . താലൂക്ക് ദുരന്തനിവാരണ സേന വളണ്ടിയർമാരും നാട്ടുകാരും വീടിന് മുകളിൽ വീണ മരം നീക്കാനുള്ള പരിശ്രമത്തിലാണ്. അയൽവാസിയുടെ പറമ്പിലെ പന മരമാണ് അപകടം വരുത്തിയത്. കുട്ടി കോഴിക്കോട് മെഡിക്കൽ കോളേജിൽ ചികിൽസയിയിലാണ്.
