അരിക്കുളം: ആഖിലേന്ത്യാ മെഡിക്കൽ പ്രവേശന (നീറ്റ് ) പരീക്ഷയിൽ ഉന്നത വിജയം കരസ്ഥമാക്കിയ കാരയാട് ഏക്കാട്ടൂർ സ്വദേശികളായ ഹിബ ഫെബിൻ പുതിയേടത്ത്, ഫാത്തിമ വി കെ എന്നിവരെ അനുമോദിച്ചു. അരിക്കുളം മണ്ഡലം ഏക്കാട്ടൂർ 150 ബൂത്ത് കമ്മിറ്റിയുടെ നേതൃത്വത്തിലാണ് അനുമോദനവും ഉപഹാര സമർപ്പണവും സംഘടിപ്പിച്ചത്. പ്ലസ്ടു പരീക്ഷ എഴുതി ആദ്യ ശ്രമത്തിൽ തന്നെ മികച്ച വിജയമാണ് ഹിബ ഫെബിൻ നേടിയത്. സർക്കാർ എയ്ഡഡ് സ്കൂളിൽ പഠിച്ചാണ് ഫാത്തിമയുടെ നേട്ടം. കോട്ടൂർ വില്ലേജ് ഓഫീസിലെ ജീവനക്കാരൻ പുതിയേടത്ത് അബ്ദുൾ നാസറിൻ്റെയും താഹിറയുടെയും മകളാണ് ഹിബ ഫെബിൻ. പരേതനായ കേളോത്ത് മീത്തൽ അബ്ദുൾ സലാമിൻ്റെയും സൗദയുടെയും മകളാണ് ഫാത്തിമ വി കെ. ഇരുവർക്കും ബ്ലോക്ക് കോൺഗ്രസ് കമ്മിറ്റി ട്രഷറർ കെ അഷറഫ് മാസ്റ്റർ ഉപഹാരം നൽകി. ബൂത്ത് കോൺഗ്രസ് കമ്മിറ്റി അധ്യക്ഷൻ കെ കെ കോയക്കുട്ടി, അനസ് കാരയാട്, പി എം മോഹനൻ, പി എം അശോകൻ, എ വി കുഞ്ഞഹമ്മദ്, നൗഫൽ ചാത്തോത്ത് എന്നിവർ പങ്കെടുത്തു.
