കൊയിലാണ്ടി: റേഷന് വ്യാപാരികളുടെ വേതനം പരിഷ്ക്കരിക്കണമെന്ന് കേരള റേഷന് എംപ്ലോയിസ് ഫെഡറേഷന് ജില്ലാ കമ്മിറ്റി ആവശ്യപ്പെട്ടു. തുച്ഛമായ കമ്മീഷനാണ് നിലവില് റേഷന് വ്യാപാരികള്ക്ക് ലഭിച്ചു കൊണ്ടിരിക്കുന്നത്. കട വാടക, സെയില്സ്മാന് കൂലി, വൈദ്യുതി ചാര്ജ് ഉള്പ്പടെ റേഷന് ഷാപ്പുടമ നല്കണം.
റേഷന് കടകളിലൂടെ നല്കുന്ന മണ്ണെണ്ണ വിഹിതം വര്ദ്ധിപ്പിക്കണമെന്നും കേരള റേഷന് എംപ്ലോയിസ് ഫെഡറേഷന് ജില്ലാ കമ്മിറ്റി ആവശ്യപ്പെട്ടു. ജില്ലാ പ്രസിഡന്റ് പി.കെ.ഗോപി അധ്യക്ഷത വഹിച്ച ചടങ്ങിൽ സംസ്ഥാന വൈസ് പ്രസിഡന്റ് അനില് സ്റ്റീഫന്, സി.കെ.ബാബു, പി.ബിനു, റഷീദ്, സതീശന് എന്നിവര് സംസാരിച്ചു.
