കൊയിലാണ്ടി നഗരസഭ കുടുംബശ്രീ ബാലസഭ സംഘടിപ്പിച്ച നീന്തൽ പരിശീലനം സമാപിച്ചു

കൊയിലാണ്ടി: കൊയിലാണ്ടി നഗരസഭ കുടുംബശ്രീ ബാലസഭ സംഘടിപ്പിച്ച നീന്തൽ പരിശീലനം സമാപിച്ചു. കൊല്ലം ചിറയിൽ ഒരാഴ്ചയായി നൽകി വന്ന പരിശീലനത്തിന് മീത്തൽ അജയകുമാർ, കെ.നാരായണൻ നായർ എന്നിവർ നേതൃത്വം നൽകി. നൂറിലേറെ കുട്ടികൾ പങ്കെടുത്ത പരിശീലനത്തിൻ്റെ സമാപനം നഗരസഭ സ്ഥിരംസമിതി അധ്യക്ഷൻ കെ.ഷിജു ഉദ്ഘാടനം ചെയ്തു.

സി.ഡി.എസ് വൈസ് ചെയർപേഴ്സൻ ആരിഫ അധ്യക്ഷത വഹിച്ചു. മെമ്പർ സെക്രട്ടറി വി.രമിത, ശ്രീകല, കെ.ഗിരിജ, എന്നിവർ സംസാരിച്ചു.